वीरगञ्ज । पर्साको पटेर्वासुगौली गाउँपालिका – ५ देवरिया र फरहदवाबिचको सडकखण्डबाट वन गस्ती टोलीले काँचो सालको काठसहित एउटा मोटरसाइकल बरामद गरेको छ ।

सब डिभिजन वन कार्यालय रङ्गपुरटाडीबाट जमदार अर्जुन चौधरीको नेतृत्वमा खटिएको वन गस्ती टोलीले मङ्गलवार बिहान ३ बजेतिर तस्करले राष्ट्रिय वनबाट सालको रुख काटेर दुई थान गोलिया काठ मोटरसाइकलमा ल्याउँदै गरेको अवस्थामा बरामद गरेको हो ।

ना २२ प ७६४८ नम्बरको डिस्कभर मोटरसाइकल र त्यसमा लोड गरिएको २ थान (१७ क्युबिक फिट ) सालको काठ बरामद गरिएको सब डिभिजन बन कार्यालय रङ्गपुरका रेञ्जर कपिलदेव यादवले बताए ।

तस्कर भने फरार भएकोले पक्राउ गर्न नसकिएको उनले बताए ।