वीरगञ्ज, १९ साउन । जिल्ला प्रहरी कार्यालय पर्साले ठूलो परिमाणमा सालको काठ बरामद गरेको छ ।
पर्साको पटेर्वासुगौली गाँउपालिका वडा नम्बर ४ पथलावाहघाटबाट प्रहरीले ठूलो परिमाणमा सालको काठ बरामद गरेको हो ।
प्रहरी चौकी रंगपुरबाट प्रहरी सहायक निरीक्षक गोपाल राय यादवको नेतृत्वमा खटिएको गस्ती टोलीले पथलावाह घाटबाट बुधबार राती ३ थान सालको गोलीया बरामद गरेको हो ।
सोनबर्षाको जङ्गलबाट तस्करहरुले साईकलमा काठ ल्याउदै गरेको अवस्थामा प्रहरीलाइ देखे पछि तस्करहरु काठ फालेर फरार भएको प्रहरी सहायक निरीक्षक यादवले बताए । उनका अनुसार तस्कारहरुको खोजी भइरहेको छ ।