वीरगञ्ज । पर्सा, इलाका प्रहरी कार्यालय पटेर्वासुगौलीको टोलीले विशेष सूचनाको आधारमा लागू औषध गाजा सहित दुई जनालाई पक्राउ गरेको छ। प्रहरी निरीक्षक मोहन जङ्ग बुढा थापाको नेतृत्वमा खटिएको टोलीले जगरनाथपुर गाउँपालिका वडा नम्बर ४ सोहपुर सोहरिको चौरिबाट नेपालबाट भारततर्फ गाजा लैजाँदै गर्दा उनीहरूलाई पक्राउ गरेको हो।

पक्राउ परेकाहरूमा जगरनाथपुर गाउँपालिका वडा नम्बर २ दसौता टोलका ६० वर्षीय लक्ष्मण राउत र भारत बिहार राज्यको बेतिया जिल्ला इनर्वा पंचायत वडा नम्बर ७ का २० वर्षीय नयाज आलम रहेका छन्। प्रहरीले उनीहरूको साथबाट २२ किलो गाजा बरामद गरेको छ।

हाल उनीहरूलाई जिल्ला प्रहरी कार्यालय पर्सामा राखी थप अनुसन्धान भइरहेको पर्सा प्रहरीले जानकारी दिएको छ।