वीरगञ्ज । एसीसी प्रिमियर कपमा युएईले कम्बोडियामाथि फराकिलो जित हासिल गरेको छ । जितसँगै युइई सेमिफाइनलमा प्रवेश गरेको छ ।
अब सेमिफाइनलमा उसको भिडन्त हालसम्म कपमा अविजित रहेको नेपालसँग हुनेछ ।
समूह “बी” को समूह चरणको अन्तिम खेलमा युएईले कम्बोडियालाई ९ विकेटले पराजित गरेको हो । कम्बोडियाले दिएको ७७ रन्को लक्ष्य पछाएको युएईले ५।१ ओभरमा एक विकेट गुमाउँदै लक्ष्य पुरा गरेको थियो ।
यस अघि कम्बोडियाले पहिला ब्याटिङ गर्दै १९ ओभरमा अल आउट हुँदै ७६ रन मात्र बनाएको थियो ।
जितपछि युएईको ४ खेलमा ६ अङ्क भएको छ र अहिले शीर्ष स्थानमा उक्लिएको छ भने सेमिफाइनलमा पुग्ने निश्चित भएको छ । अब समूह बि को विजेता उपविजेताको टुङ्गो भने अहिले जारी रहेको ओमान र कुवेतबिचको खेल पछि मात्र लाग्ने छ ।
ओमानले कुवेतलाई हराएमा युएई उपविजेता हुने छ र सेमिफाइनलमा नेपालसँग खेल्ने छ । अर्को तर्फ कुवेतले ओमानलाई पराजित गरेमा भने रन रेट निर्णायक हुने छ ।
समूह बी बाट बहराइन र कम्बोडिया यस अघि नै बाहिरिइसकेका छन् ।
यात्रा डेली
