×

वीरगञ्ज । नेपाल प्रहरीका ३ जना उच्च प्रहरी अधिकृतहरु यसैसाता अवकाशमा जाने भएका छन् । दुईजना प्रहरी अतिरिक्त महानिरीक्षक (एआईजी) र एकजना प्रहरी नायव महानिरीक्षक (डीआईजी) अवकाशमा जान लागेका हुन् ।

प्रशासन विभाग प्रमुख एआईजी मिरा चौधरी, राष्ट्रिय प्रहरी प्रशिक्षण प्रतिष्ठानका कार्यकारी निर्देशक सन्दिप भण्डारी र गण्डकी प्रदेशका डीआईजी विकाशराज खनाल अवकाशमा जान लगेका हुन् ।

चौधरी र खनाल वैशाख ६ मा अवकाशमा जाँदैछन् । ५६ वर्षीय उमेरहदका कारण उनीहरु अवकाशमा जान लागेका हुन् । प्रहरी नियमावली–२०७१ अनुसार डीआईजी र एआईजीको उमेरहद ५६ वर्ष कायम छ । एआईजी भण्डारी वैशाख ४ बाट सेवा निवृत्त हुँदैछन् ।

तिनैजना उच्च अधिकृहरु आईजीपी बसन्त कुँवरसँगै २०५१ चैत ५ मा प्रहरीमा प्रवेश गरेका थिए । प्रशासन विभागको कमाण्ड गरिरहेकी मिरा चौधरीले प्रहरीमा कसैसँग नझुक्ने ‘जुझारु’ प्रहरीको छबि बनाएकी छन् । जन्ममिति २०२५ साल वैशाखको ५ र ७ भएका कारण उनीहरुको उमेरहद पुरा भएको हो ।

Back to top