वीरगञ्ज । मकवानपुरको इन्द्रसरोवर गाउँपालिका–३ धाराढोला (खोल्सा)स्थित दक्षिणकाली सडकखण्डमा सुमो र बोलेरो एकापसमा ठोक्किँदा १४ जना घाइते भएका छन् ।
जिल्ला प्रहरी कार्यालय मकवानपुरका अनुसार शनिवार हेटौँडाबाट काठमाडौँतर्फ जाँदै गरेको ना १ ज ७२०७ नम्बरको सुमो र विपरीत दिशाबाट आउँदै गरेको बीएए ९७६८ नम्बरको बलेरो गाडी एकापसमा ठोक्किएर दुर्घटना भएको हो ।
दुर्घटनामा ४ जनाको अवस्था गम्भीर रहेको छ भने १० जनाको अवस्था मध्यम रहेको प्रहरीले जानकारी दिएको छ । घाइतेहरूलाई उद्धार गरी उपचारका लागि काठमाडौँ पठाइएको छ ।
सुमो चालक काठमाडौँ चन्द्रागिरी नगरपालिका १४ बस्ने ४५ वर्षीय मनोज श्रेष्ठलाई प्रहरीले नियन्त्रणमा लिएको छ । सडक एकतर्फी सुचारु भएको छ ।
दुवै गाडी घटनास्थलमा रहेको र थप अनुसन्धान भइरहेको प्रहरीले जनाएको छ ।
यात्रा डेली
