भारतीय जनता पार्टी (बीजेपी)ले आसन्न लोकसभा चुनावका लागि पार्टीका तर्फबाट उम्मेद्वार बन्नेको पहिलो सूची सार्वजनिक गरेको छ ।

पहिलो सूची अनुसार १६ वटा राज्य र केन्द्र शासित २ प्रदेशका १ सय ९५ उम्मेद्वारको नामावली प्रकाशित भएको हो । बीजेपीले प्रधानमन्त्री नरेन्द्र मोदीलाई वाराणसीबाट उम्मेद्वार बनाएको छ ।

गृहमन्त्री अमित शाह गान्धीनगरबाट चुनाव उठ्ने भएका छन् । शाह सन् २०१४ देखि २०२० सम्म बीजेपीका पार्टी अध्यक्ष समेत हुन् । गान्धीनगर गुजरात राज्यको राजधानी हो ।

बीजेपीले सार्वजनिक गरेको १ सय ९५ उम्मेद्वारको सूचीमा २८ जना महिला, ५० वर्षभन्दा कम उमेरका युवाको संख्या ४७, सूचीकृत जातीका २७ र पिछडा वर्गका ५७ उम्मेद्वारलाई अघि सारिएको छ ।

भाजपाले उत्तरप्रदेशका ५७ सिट, पश्चिम बंगालका २०, मध्यप्रदेशका २४, गुजरातका १५, राजस्थानका १५, केरलाका १२, तेलंगनाका ९, छत्तीसगढका ११ सिटकालागि उम्मेद्वार चयन गरेको हो ।

उम्मेद्वारको पहिलो सूचीमा लोकसभाका अध्यक्षसहित, केन्द्रीय मन्त्री र पार्टीका उच्च नेताहरुको नाम समावेश गरिएको भारतीय सञ्चारमाध्यमहरुले जनाएका छन् ।

लोकसभाको ५ सय ४३ सिटका लागि निर्वाचन हुन लागेको हो । त्यहाको निर्वाचन आयोगले मतदानको मिति भने तोकिसकेको छैन । आयोगका अनुसार आगामी अप्रिलको अन्तिममा निर्वाचन सम्पन्न गर्ने तयारी गरिएको छ ।

हेर्नुहोस् उम्मेद्वारको सूची

वाराणसी – नरेंद्र मोदी

गांधी नगर – अमित शाह

विदिशा – शिवराज सिंह चौहान

डिब्रूगढ़ – सर्वानंद सोनोवाल

बीकानेर – अर्जुन राम मेघवाल

जोधपुर-  गजेंद्र सिंह शेखावत

अरुणाचल वेस्ट – किरेन रिजिजू

गौतम बुद्ध नगर – महेश शर्मा

मथुरा – हेमा मालिनी

आगरा – सत्यपाल सिंह बघेल

फतेहपुर सिकरी – राजकुमार चाहर

एटा – राजवीर सिंह

शाहजहांपुर – अरुण कुमार सागर

खिरी – अजय मिश्रा टेनी

धौड़हड़ा –   रेखा वर्मा

हरदोई –  जयप्रकाश रावत

उन्नाव – साश्री महाराज

अमेठी –  स्मृति इरानी

लखनऊ – राजनाथ सिंह

इटावा –  रामशंकर कटेरिया

जालौन –  भानू प्रसाद वर्मा

झांसी –  अनुराग शर्मा

हमीरपुर –  कुंवर पुष्पेंद्र चंदेल

फतेहपुर – साध्वी निरंजन ज्योति

बारामती – उपेंद्र सिंह रावत

फैजाबाद – लल्लू सिंह

गोंडा – राजा भैया

गौरखपुर – रवि किशन

कुशीनगर – विजय कुमार दुबे

लालगंज – नीलम सोनकर

आजमगढ़-  दिनेश लाल यादव निरहुआ

सलेमपुर – रवींद्र कुशवाहा

जौनपुर – कृपा शंकर सिंह

चंदौली – महेंद्र नाथ पांडे

कांति – शुभेंदु अधिकारी

चांदनी चौक –  प्रवीन खंडेलवाल

उत्तर पूर्वी दिल्ली – मनोज तिवारी

नया दिल्ली –  बांसुरी स्वराज

पश्चिम दिल्ली –  कमलजीत सहरावत

दक्षिण दिल्ली- रामवीर सिंह बिधुड़ी

रांची – जमशेद सेठ

सिंहभूम – गीता कोड़ा