कुड्डालोर, मयिलाडुथुराई, र कराईकल क्षेत्रमा बुधबार केही स्थानमा भारीदेखि धेरै भारी वर्षा हुने सम्भावना छ, साथै केही छुट्टाछुट्टै स्थानहरूमा अत्यन्त भारी वर्षा पनि हुनसक्छ ।
चेन्नई । भारतको तमिलनाडुमा भारी वर्षाको सम्भावनाका कारण धेरै जिल्लाहरूमा रेड अलर्ट जारी गरिएको छ । प्रशासनले चेन्नई र वरपरका जिल्लाहरूमा विद्यालयहरू बन्द गर्न आदेश दिएको छ ।
भारतीय मौसम पूर्वानुमान महाशाखाका अनुसार बङ्गालको खाडीको दक्षिण–पश्चिममा रहेको चापीय प्रणाली गहिरो भएकाले फेङ्गल नामको आँधी बन्ने सम्भावना रहेको छ ।
समाचार एजेन्सी एएनआईका अनुसार बुधवार यो दबाब उत्तर पश्चिमतर्फ सर्नेछ र चक्रवातको रूप लिन सक्छ ।
मौसम विभागका अनुसार तमिलनाडु र आसपासमा बिहीबारसम्म वर्षा जारी रहनेछ । अहिले चेन्नईमा लगातार पानी परिरहेको छ ।
बिबिसीका अनुसार प्रशासनले माछा मार्नेहरूलाई समुद्रमा जान प्रतिबन्ध लगाएको छ । कम्तीमा दुई जिल्लामा भारी वर्षाको लागि रेड अलर्ट जारी गरिएको छ ।
आगामी शुक्रवारसम्म वर्षा जारी रहने मौसम पूर्वानुमान महाशाखाले जनाएको छ ।
एजेन्सी
