फिफा विश्वकप २०२६ को महाकुम्भ आइतबार न्यूयोर्क न्यू जर्सी रंगशालामा हुँदैछ, जहाँ उपाधिका लागि दुई बलिया टोली स्पेन र अर्जेन्टिना भिड्दै छन्। दुवै टोली उत्कृष्ट खेल प्रदर्शन गर्दै र बलियो टोलीहरूलाई पन्छाउँदै फाइनलसम्म पुग्न सफल भएका हुन्।

यो Blockbuster फाइनल खेललाई विश्वभरका फुटबल प्रशंसकहरूले निकै चासोका साथ हेरिरहेका छन्। फिफाका अनुसार यस फाइनल खेलको नतिजा तय गर्न मैदानमा देखिने तीनवटा मुख्य खेलाडीबीचको भिडन्त (Individual Duels) निर्णायक साबित हुन सक्छ

१. एमेरिक लापोर्टविरुद्ध लियोनेल मेस्सी

३९ वर्ष पुगे पनि अर्जेन्टिनी कप्तान लियोनेल मेस्सीको खेल जादू अझै कम भएको छैन। मेस्सी यस प्रतियोगितामा ८ गोल गर्दै गोल्डेन बुटको दौडमा सबैभन्दा अगाडि छन् र उनी विश्वकपकै इतिहासमा सबैभन्दा धेरै गोल गर्ने खेलाडीसमेत बनेका छन्। सेमिफाइनलमा इंग्ल्याण्डविरुद्ध उत्कृष्ट उत्कृष्ट पुनरागमन गर्दै जित निकाल्दा उनले दुई असिस्ट (गोल गर्न सहयोग) गरेका थिए।

स्पेनका लागि मेस्सीलाई रोक्नु नै सबैभन्दा ठूलो चुनौती हुनेछ। यो कठिन जिम्मेवारी स्पेनका भरपर्दा डिफेन्डर एमेरिक लापोर्टको काँधमा हुनेछ। १९ वर्षीय पाउ कुबार्सीसँग बलियो रक्षापंक्ति सम्हालिरहेका लापोर्टको उत्कृष्ट प्रदर्शनकै कारण स्पेनले यस विश्वकपका ७ खेलमा मात्र १ गोल खाएको छ।

२. रोड्रीविरुद्ध एन्जो फर्नान्डेज

मैदानको मध्यभाग (मिडफिल्ड) मा दुई दिग्गज खेलाडीहरू आमनेसामने हुँदैछन्। स्पेनका कप्तान रोड्री यस विश्वकपमा निकै उत्कृष्ट लयमा छन्। 

उनले प्रतियोगितामा सबैभन्दा धेरै ६४८ पासहरू पुरा गरिसकेका छन्, जसको शुद्धता ९३ प्रतिशत छ। विपक्षीको आक्रमण रोक्न र डिफेन्सलाई बलियो बनाउन उनी पावर र्‍याङ्किङमा शीर्ष स्थानमा छन्।

अर्कोतर्फ, कतार विश्वकप २०२२ मा 'योङ प्लेयर अवार्ड' जितेका २५ वर्षीय एन्जो फर्नान्डेज अर्जेन्टिनाका मुख्य खम्बा हुन्। उनले विपक्षीबाट ४३ पटक बल खोसेर आफ्नो टोलीलाई बलियो स्थितिमा राखेका छन्। 

साथै नकआउट चरणमा इजिप्ट र इंग्ल्याण्डविरुद्ध उत्कृष्ट गोल गर्दै उनले अर्जेन्टिनालाई फाइनलसम्मको यात्रा तय गराउन महत्त्वपूर्ण भूमिका खेलेका छन्।

३. लामिन यमालविरुद्ध निकोलस टागलियाफिको

वर्तमान पुस्ताकै सबैभन्दा प्रतिभावान युवा खेलाडीका रूपमा हेरिएका स्पेनका लामिन यमालको प्रदर्शन खेलपिच्छे निखारिँदै गएको छ। चोटमुक्त हुँदै विश्वकप फर्किएका यमालले सेमिफाइनलमा फ्रान्सविरुद्ध उत्कृष्ट पेनाल्टीको अवसर सिर्जना गरेका थिए। उनको गति र ड्रिबलिङ शैली स्पेनको आक्रमणको मुख्य हतियार हो।

यमाललाई रोक्ने जिम्मेवारी अर्जेन्टिनाका अनुभवी लेफ्ट-ब्याक निकोलस टागलियाफिकोको हुनेछ। सन् २०२२ को विश्वकप विजेता टोलीका सदस्य रहेका ३३ वर्षीय टागलियाफिको देशका लागि ८२ क्याप जितिसकेका अनुभवी डिफेन्डर हुन्। यमालको आक्रामक खेललाई रोक्न टागलियाफिकोको अनुभव अर्जेन्टिनाका लागि निकै मूल्यवान् साबित हुने देखिन्छ।