वीरगञ्ज चैत्र १० - प्रदेश २ को एक मात्रै महानगरपालिका वीरगञ्जलाइ पनि लकडाउन गरिएको छ । विश्वस्तरमा बढ्दै गरेको कोरोना संक्रमणलाई मध्यनगर गर्दै नगरलाई लकडाउन गर्नु परेको वीरगञ्ज महानगरपालिकाका मेयर विजयकुमार सरावगीले बताए ।

बैठकद्वारा चैत्र १० गते देखि १८ गते सम्म सम्पूर्ण नगरवासीहरु अनिवार्यरुपले आ–आफ्नो घरभित्र बसोबास गर्न, अतिआवश्यक बाहेक घरबाहिर नस्किन, निस्कनु परे घरको एक जना व्यक्ति मात्र निस्किन, ३-४ जनाको समुह बनाई जम्मा नहुन, दमकल, एम्बुलेन्स, अस्पताल, औषधि पसल, दुध पसल, औषधि र दुध बोक्ने गाडी, किराना पसल, तरकारीक तथा फलफुल पसल मात्र संचालन हुन् दिनलगयात निर्णय हरु गरिएको छ ।

मेयर सरावगीले यात्रा डेली संग कुरा गर्दै आफू तथा वरपर सरसफाइ राख्नुका साथै बारम्बार साबुन पानीले वा सेनीटाईजरले हात धुन समेत आग्रह गरे । उनले भ्रम र अफ्वाहाको पछाडी नलागी आधिकार संस्थाले उपलब्ध गराएको सूचनामा मात्र बिस्वास गर्न समेत अनुरोध गरे ।