वीरगञ्ज चैत्र २१ - वीरगञ्ज महानगरपालिकाको वडा नं १९ बरेवाका जगन प्रसाद यादव, विकाश कुमार यादव, सञ्जय प्रसाद यादव, राजु यादव र सुरेन्द्रप्रसाद यादव बिरुद्ध प्रहरीले सार्वजनिक अपराध अन्तर्गत मुद्दा चलाएको छ ।

इलाका प्रहरी कार्यालय पोखरियाले उनीहरु बिरुद्ध मुद्धा चलाएको हो । राहत बितरणकालागि नामावली संकलनको क्रममा भएको बिवादमा कुटपीटमा संलग्न पाँच जना बिरुद्ध प्रहरीले सार्वजनीक अपराधको मुद्धा दर्ता गरेको हो ।

वीरगञ्ज महानगरपालिकाले वडास्तरमा सर्वदलीय संयन्त्र बनाएर दैनीक ज्याला गरेर जीवन यापन गर्ने श्रमजीवी नागरिकलाई राहत उपलब्ध गराउने निर्णय गरेको थियो ।

राहत वितरणको लागि नाम संकलन गर्ने क्रममा वीरगञ्ज महानगरपालिका वडा नम्बर १९ बरवा टोलमा प्रभू यादव र उपेन्द्र यादव पक्षवीच कुटाकुट भएको थियो । कुटाकुटमा संलग्न सात जनालाई प्रहरीले पक्राउ गरेका थियो ।

पक्राउ गरिएका मध्य पाँच जनाविरुद्ध मुद्दा चलाइएको ईलाका प्रहरी कार्यालय पोखरियाका प्रहरी निरीक्षक चन्द्र सिंहले जानकारी दिनु भयो ।अन्य दुई जनालाई भने अनुसन्धान पश्चात छाडिएको उहाँले बताउनु भयो।