इंग्लिस प्रिमियर लिग फुटबलमा म्यानचेस्टर सिटीको उपाधि रक्षा गर्ने अभियानमा धक्का लागेको छ।

गएराति भएको खेलमा वेष्ट ह्यामसँग १–१ गोलको बराबरी भएपछि पेप ग्वार्डिओलाको टोली स्पष्ट तीन अंक जोड्न असफल भएको हो।

लगातारको दबाब र गोल गर्ने अवसरहरू सदुपयोग गर्न नसक्दा सिटी अंक बाँड्न बाध्य भयो। यो नतिजाले उपाधि दौडमा रहेका उसको मुख्य प्रतिस्पर्धी आर्सनललाई स्पष्ट फाइदा पुगेको छ।

मुख्य खेलाडीहरूको चोट र रक्षापंक्तिको तालमेल नमिल्दा सिटीको उपाधि दौड कमजोर बनेको हो। दोस्रो स्थानको सिटीले ३० खेलमा ६१ अंक जोड्दा शीर्ष स्थानको आर्सनलको ३१ खेलमा ७० अंक छ।

यस्तै तेस्रो स्थानमा रहेको म्यानचेष्टर युनाइटेडको २९ खेलबाट ५१ अंक छ।