तेहरान । इजरायलले इरानमाथि शुक्रबार बिहान आक्रमण गरेको अमेरिकी अधिकारीहरूले बताएका छन् । इरानका एयर डिफेन्सलाई केही प्रान्तहरूमा सक्रिय गराइएको जनाइएको छ ।
इरानको इशफान क्षेत्रमा थुप्रै विस्फोटका घटना भएको जनाइएको छ । इरानका विदेशमन्त्री होसेन अमीर अब्दुल्लाहले सीएनएनसँगको एक अन्तर्वार्तामा इजरायलले कुनै सैनिक गतिविधि गरेमा यसको प्रतिक्रिया तत्काल र व्यापक रूपमा पाउने चेतावनी शुक्रबार दिएलगत्तै इरानमा विस्फोटका घटना सुनिएको जनाइएको छ ।
बिहीबार इजरायलका प्रधानमन्त्री बेन्जामिन न्यातानाहूले इजरायलले आफ्नै हिसाबले निर्णय लिने बताएका थिए ।
इरानको राष्ट्रिय टीभीकाअनुसार इरानबाट अरू देशमा जाने केही उडान समेत तत्काल रद्द गरिएका छन् । कम्तीमा आठ उडान इरानी आकाशबाट अन्यत्र मोडिएको जनाइएको छ ।
बीबीसी
