वीरगञ्ज। नेपालमा व्यावसायिक सवारी साधनहरूको अग्रणी प्रदायक कम्पनीले वीरगञ्जमा आफ्नो अत्याधुनिक शोरुमको भव्य उद्घाटन गरेको छ। वीरगञ्ज महानगरपालिकाका डिपुटी मेयर माननीय इम्तियाज आलमद्वारा शोरुमको आधिकारिक उद्घाटन गरियो।

कम्पनीले चीनको नम्बर १ व्यावसायिक वाहन निर्माता फोटोन मोटर्स र सोकोन मोटर्सका विद्युतीय र पेट्रोलियम सवारी साधनहरू बिक्री गर्नेछ। शोरुममा ११ देखि १६ सिटसम्मका विद्युतीय सवारी साधनहरू, फोटोनको हाईरुफ ईभी भ्यान, टुनल्याण्ड, टिएम वान, र सोकोनको बहुमुखी EC36 भ्यान उपलब्ध छन्। यी गाडीहरू यात्रुवाहक, स्कुल तथा कार्गोका लागि उपयुक्त हुनेछन्।

कम्पनीले ग्राहकहरूका लागि २० प्रतिशत डाउन पेमेन्टमा फाइनान्स सुविधा पनि उपलब्ध गराएको छ। यसका साथै, फोटोन र सोकोन सवारी साधनहरूको आधिकारिक वितरकका रूपमा सेवा हेडका अनुसार कम्पनीले CATL ब्याट्री र स्पेयर पार्ट्सको पनि आधिकारिक सेवा दिनेछ।

कम्पनीका सीईओ तुषार गुप्ताले भविष्यमा देशभर फोटोन र सोकोनको सञ्जाल विस्तार गर्दै, ग्राहकहरूलाई बिक्री तथा सेवा अनुभव सुधार गर्न शोरुमहरू स्थापना गरिने बताएका छन्। साथै, ग्राहकहरूलाई कम्पनीका प्लान्टहरू भ्रमणका लागि पठाउने योजना पनि रहेको छ।

यो शोरुमको उद्घाटनसँगै कम्पनीले नेपालमा व्यावसायिक सवारी साधनको बजारमा आफ्नो उपस्थिति थप सुदृढ गर्ने लक्ष्य राखेको छ। ग्राहकहरूलाई सवारी साधनहरू अनुभव गर्न, वित्तीय विकल्पहरू खोज्न, र विशेषज्ञ मार्गदर्शनको साथ उपयुक्त सवारी साधन छान्न शोरुममा स्वागत गरिनेछ।

उद्घाटन कार्यक्रममा प्रमुख अतिथिको रूपमा वीरगञ्ज महानगरपालिकाका उपप्रमुख इम्तियाज आलम, नेपाली कांग्रेसका नेता तथा पूर्वमन्त्री सुरेन्द्र प्रसाद चौधरी, उद्योगपति ओमप्रकाश सिकारिया र नेजमुदिन समानीलगायतको उपस्थिति रहेको थियो।

यो नयाँ शोरुमले ग्राहकहरूलाई उच्चस्तरीय सेवा प्रदान गर्ने र कम्पनीको नेपालभरको विस्तार योजनामा महत्त्वपूर्ण योगदान गर्ने अपेक्षा गरिएको छ।