हिन्दु धर्ममा वास्तुशास्त्रलाई विशेष महत्व दिइएको छ । यसलाई हिन्दू प्रणालीको सबैभन्दा पुरानो विज्ञान मानिन्छ ।

वास्तुशास्त्रमा हरेक दिशाको महत्वलाई मानिएको छ । यस्तो अवस्थामा जानौं ती वास्तु नियमहरू के हुन्, यिनलाई ध्यानमा राख्नुभयो भने जीवनमा सकारात्मक नतिजा देख्न सकिन्छ ।

यति मात्र होइन, खाना खाँदा वास्तु नियमलाई ध्यानमा राख्नुभयो भने जीवनमा सकारात्मक परिणाम देख्न सकिन्छ । ध्यान राख्नुहोस् कि खाना खाँदा तपाईंको अनुहार उत्तर–पूर्व दिशामा हुनुपर्छ । यसो गर्नाले देवी लक्ष्मी तपाईंसँग प्रसन्न रहनुहुन्छ, जसका कारण घरमा धन र अन्नको कमी हुँदैन ।

मानिसले सुत्दा पनि वास्तुको नियमलाई ध्यानमा राख्नुपर्छ, किनभने यसले व्यक्तिको स्वास्थ्यमा पनि असर गर्छ । सुत्दा टाउको पूर्व वा दक्षिण दिशामा हुनुपर्छ । यसले स्वास्थ्यमा राम्रो प्रभाव पार्छ । साथै उत्तर र पश्चिम दिशामा टाउको राखेर सुत्दा स्वास्थ्यमा नकारात्मक असर पर्न सक्छ । यसका साथै घरको मुख्य ढोका अगाडि सुत्नु हुँदैन र खुट्टा ढोका तिर हुनुहुँदैन ।

घरमा नचलेको घडी कहिल्यै राख्नु हुँदैन, किनभने वास्तुशास्त्रमा यसलाई अशुभको प्रतीक मानिन्छ । यसका साथै घरको दक्षिण–पूर्व दिशामा कुनै पनि भारी वस्तु राख्नु हुँदैन । तपाईंको घरको मन्दिर उत्तर–पूर्व दिशामा हुनुपर्छ ।