आजकाल मानिसहरूमा भिटामिन डीको कमी तीव्र रूपमा देखिन थालेको छ । भिटामिन डी शरीरको लागि अत्यन्तै आवश्यक छ, किनभने यसले शरीरमा क्याल्सियमलाई अवशोषित गर्न मद्दत गर्छ ।
आहारबाट भिटामिन डीको पर्याप्त आपूर्ति हुँदैन । त्यसैले बिहानको घामको किरणले भिटामिन डीको कमीलाई पूर्ति गर्न सक्छ । यही कारणले घाममा केही समय बस्नु शरीरको लागि अत्यन्तै लाभदायक र महत्त्वपूर्ण छ । यसले हड्डीलाई बलियो बनाउँछ ।
यद्यपि धेरै समयसम्म घाममा बस्नु हुँदैन, किनभने यूवी किरणहरूले क्यान्सरको सम्भावना बढाउँछ, साथै छाला पनि ट्यान हुन्छ । तर, पनि केही समय सूर्यको किरणमा बस्नुपर्छ । यसले शरीरलाई धेरै प्रकारले फाइदा पुर्याउँछ। आउनुहोस्, कसरी सूर्यको किरण शरीरको लागि रामवाण औषधि हो भन्ने कुरा जानौँ ।
शरीरको लागि घामको फाइदा
घामबाट छालालाई भिटामिन डी प्राप्त हुन्छ, जसले हड्डीको स्वास्थ्य र मस्तिष्कको स्वास्थ्यलाई समर्थन गर्छ र साथै प्रतिरक्षा प्रणालीलाई बूस्ट गर्छ । सूर्यको किरणले रातमा मेलाटोनिन हर्मोनको स्रावमा मद्दत गर्छ, जसले निद्राको गुणस्तरमा सुधार गर्छ ।
मेलाटोनिन एक निद्रा हर्मोन हो, जसको स्रावले राम्रो निद्रा आउँछ । सूर्यको किरण विशेष गरी बच्चाहरूको आँखाको स्वास्थ्यको लागि पनि धेरै आवश्यक छ ।
सूर्यको किरणले शरीरको आन्तरिक घडी, सर्केडियन साइकललाई सञ्चालन गर्न मद्दत गर्छ, जसले भोक र मेटाबोलिज्ममा सुधार गर्छ । यसले कुनै पनि साइड इफेक्टविना संज्ञानात्मक कार्यमा सुधार ल्याउँछ । स्मरण शक्ति र ध्यान केन्द्रित गर्न मद्दत गर्छ ।
सूर्यको किरणले मानिसमा ऊर्जा स्तर बढाउँछ, जसले शरीर र मस्तिष्कलाई अझ सक्रिय र सतर्क राख्छ । यसले भाइरस र ब्याक्टेरियाविरुद्ध एक प्राकृतिक एन्टी माइक्रोबियल एजेन्टको रूपमा काम गर्छ ।
एजेन्सी
