चर्चित टेलिभिजन रियालिटी शो बिग बोसको १८ औँ सिजन चाँडै सुरु हुँदैछ । शोमा सहभागी हुन धेरै सेलिब्रेटीहरूको नाम निरन्तर अगाडि आइरहेको छ । यसैबिच गोविन्दाकी श्रीमती सुनिता आहुजालाई पनि शोमा आउने अफर आएको थियो तर उनले उक्त अफर अस्वीकार गरिन् । सुनिताले विगत ४ वर्षदेखि आफूलाई शोमा जाने अफर आइरहेको तर आफु कहिल्यै शोको हिस्सा नबनेको बताएकी छिन् ।

हालै सुनिता आहुजा अंकित चोपडाको पोडकास्ट टाइम आउट विथ अंकितमा देखा परिन्। यस क्रममा उनलाई प्रस्ताव आयो भने बिग बोसमा जान मन लाग्छ भनेर सोधिएको थियो ।

त्यसमा उनले आफूलाई ४ वर्षदेखि प्रस्ताव आएको खुलाइन् । ‘ओटीटीमा पनि अफर आएको थियो । गत वर्ष अनिल कपुरले शो होस्ट गरेका थिए, त्यो शोको लागि उनीहरू दुई पटक मकहाँ आएका थिए । अब ट्वाइलेट सफा गर्न बाँकी छ? म कहिल्यै जाने छैन,’ उनले भनिन् ।

कार्यक्रममा नजानुको कारण सोध्दा उनले भनिन्, ‘किन जानु ? मलाई भन्नुहोस्, यो प्रश्न मलाई किन सोधिएको छ ? अब कसैले शाहरुख खानकी पत्नीलाई शोमा जान सोध्नेछ ? म जाने छैन भाइ, माफ गर्नुहोस्। यो थोरै पैसाको लागि लडाई हो। म त्यो शो पनि हेर्दिनँ, मलाई यो मन पर्दैन। राति १० बजे सम्म को जाग्छ ? बिहान उठ्ने मेरो समय हुन्छ । ती मानिसहरू म कहाँ दुई पटक आए। उनीहरूले मलाई र टीनालाई बिग बोसका लागि बोलाइरहेका थिए । मैले भने, के तिमी पागल हौ, कोसँग कुरा गर्दैछौ ? उनीहरूले मलाई सलमान खानसँग एन्करिङका लागि बोलाउनुपर्छ, म गर्छु ।’

बिग बोस १८ को ग्रान्ड प्रिमियर अक्टोबर ५ मा हुनेछ। सुनिता आहुजाभन्दा अगाडि द कपिल शर्मा शो फेम अभिनेता चन्दन प्रभाकरलाई पनि शोको अफर आएको थियो तर उनले पनि सो शो अस्वीकार गरेका थिए । एउटै घरमा धेरै क्यामेराको बिचमा बस्न नसक्ने उनको भनाइ छ ।