रौतहट। रौतहट जिल्लाको कटहरीया नगरपालिका वडा नम्बर १ मा सामाजिक सुरक्षा भत्ताको रकम हिनामिना भएको खुलासा भएको छ। स्थानीय वडा अध्यक्ष भुपेन्द्र कुशवाहा र एनआइसी एसिया बैंकका केही कर्मचारीहरुले वृद्ध तथा जेष्ठ नागरिकहरूको भत्ता हिनामिना गरेको आरोप लागेको छ।

यो घटनामा सुखली राम नामक वृद्धको सामाजिक सुरक्षा भत्तामा अनियमितता भएको छ। रामले आरोप लगाएअनुसार, वडा अध्यक्ष कुशवाहाले एक जना महिला तथा जेष्ठ नागरिकको १२,००० रुपैयाँ हिनामिना गरेका छन्। यसबारे उजुरी र गुनासो परेपछि रामले पत्रकारहरूसँग आफ्नो दुख व्यक्त गरेका छन्।

सामाजिक सुरक्षा भत्तामा यस प्रकारको हिनामिना र अनियमितता हुनु अत्यन्तै निन्दनीय घटना भएको रामले बताएका छन्। यस घटनापछि सम्बन्धित निकायले छानबिन गरी दोषीमाथि कडा कारबाहीको माग गरिएको छ।

यो प्रकरणले स्थानीय तहमा पारदर्शिता र जिम्मेवारीको सवालमा गम्भीर प्रश्न उठाएको छ। सम्बन्धित निकायहरुले यसलाई गम्भीरतासाथ लिएर छानबिन गर्नु आवश्यक रहेको सरोकारवालाहरुले बताएका छन्।