फाइल तस्बिर ।
वीरगञ्ज । पूर्व क्रिकेटर सन्दीप लामिछानेको पुनरावेदन मुद्दामा बहस सकिएको छ ।
उच्च अदालत पाटनका न्यायाधीशद्वय सुदर्शनदेव भट्ट र अञ्जु उप्रेतीको इजलासमा दुवै पक्षको बहस सकिएको हो ।
बहस पूरा भएपछि इजलासमा रहेका न्यायाधीशद्वयले घटनाबारे सिसिटिभी फुटेज मगाएर हेर्न थालेका छन्। फैसला गर्नु अघि फुटेज हेर्न लागिएको हो ।
फैसला सन्दीपको पक्षमा आए उनी तत्काल क्रिकेटमा फर्किन सक्नेछन् र टी–२० विश्वकपमा सहभागी हुन सक्नेछन् । नेपाल क्रिकेट सङ्घ (क्यान)ले पनि उनको फैसला पर्खेर बसेको छ ।
यदि उच्च अदालतले जिल्ला अदालतको फैसला कायम राखेको खण्डमा सन्दीपको निलम्बन जारी रहनेछ । उनी क्रिकेटमा फर्किन सक्ने छैनन् ।
यदि उच्चले जिल्लाकै फैसला सदर गरेमा सन्दीपसँग अन्तिम विकल्पका रूपमा सर्वोच्चमा पुनरावेदन गर्ने अवसर हुनेछ । पुनरावेदनको फैसला नआउञ्जेल उनी पक्राउ त पर्दैनन्, तर क्रिकेटमा फर्किने अवस्था हुने छैन ।
गत पुस २५ गते जिल्ला अदालत काठमाडौँबाट बलात्कार मुद्दामा दोषी ठहर भएका सन्दीपले फागुनमा उच्च अदालत पाटनमा पुनरावेदन गरेका थिए ।
यात्रा डेली
