फलफूल खानु शरीरका लागि एकदमै फाइदाजनक हुन्छ । फलफूलको सेवनले शरीरलाई विभिन्न रोगहरुको जोखिमबाट जोगाउन सकिन्छ । तर कतिपय यस्तो स्थिति पनि हुन्छ जसमा फल नोक्सानदायक पनि हुन सक्छन् ।
त्यस्ता केही फलहरु छन् जसलाई फ्रिजमा राखेर सेवन गर्दा शरीरका लागि नोक्सानदायक हुन सक्छन् । यसले शरीरमा विष बन्न थाल्नेछ । आउनुहोस् जानौं कुन फलहरुलाई फ्रिजमा राख्नबाट बच्नु पर्दछ ।
स्याउ
यस्तो मान्यता छ कि दैनिक एउटा स्याउको सेवनले आफूलाई डाक्टर कहाँ जानबाट जोगाउँछ । यो फल स्वास्थ्यका लागि एकदमै फाइदाजनक छ । तर यसलाई फ्रिजमा भने राख्नु हुँदैन । फ्रिजमा राख्दा यसको न्यूट्रिशनमा नोक्सान पुग्न सक्छ ।
केरा
केरालाई फ्रिजमा राख्नु हुँदैन । फ्रिजमा राख्दा केरा तीव्र गतिमा बिग्रएर कालो हुन सक्छन् । केराको डाँठबाट इथाईलीन ग्यास निस्कन्छ, जसले फ्रिजमा राखेका अन्य फललाई पनि नोक्सान पु¥याउन सक्छ ।
आँप
गर्मीमा आँप एकदमै धेरै पाइन्छ । तर यसलाई लामो समय फ्रिजमा स्टोर गरेर भने राख्नु हुँदैन । यसरी लामो समय फ्रिजमा स्टोर गर्दा यसमा भएका न्यूट्रियन्टहरु नष्ट हुन्छन् र पोषक तत्व प्राप्त हुँदैन ।
तरबुजा
गर्मी मौसममा तरबुजा खान मिठो हुन्छ र यो फाइदाजनक पनि हुन्छ । तर तपाईंले यसलाई फ्रिजमा भने राख्नु हुँदैन । यसलाई फ्रिजमा राख्दा यसका तत्वहरु नष्ट हुन्छन् जसले गर्दा यो स्वास्थ्यका लागि पनि हानिकारक हुन्छ ।
एवोकाडो
एवोकाडोलाई पनि फ्रिजमा राख्नु हुँदैन । एवोकाडोमा फ्याटी एसिड हुन्छ, जसले कोलेस्ट्रोल लेवललाई कम गर्न सहयोग गर्छ । यसलाई फ्रिजमा राख्दा यसको बाहिरको बोक्रा एकदमै कडा हुन्छ र भित्रको भाग खराब हुन थाल्छ ।
एजेन्सी
