वीरगञ्ज।  जिल्ला प्रहरी कार्यालय पर्सा वीरगञ्जको आयोजनामा तथा ग्रीन सिटी समुदायिक सेवा केन्द्र आदर्श नगर १० वीरगञ्ज पर्साको सहयोगमा ६९औँ प्रहरी दिवसको अवसरमा सरसफाइ कार्यक्रम सम्पन्न भएको छ।

यो कार्यक्रम वीरगञ्ज महानगरपालिका वडा नम्बर ८ मा रहेको ऐतिहासिक गहवामाई मन्दिर परिसरमा आयोजना गरिएको हो। कार्यक्रममा प्रहरी र स्थानीय समुदायको सक्रिय सहभागिता देखिएको थियो।

प्रहरी दिवसको उपलक्ष्यमा आयोजित यस सरसफाइ अभियानले स्थानीय धार्मिक स्थलको वातावरणीय स्वच्छता कायम राख्नका लागि महत्त्वपूर्ण भूमिका खेलेको छ। सरसफाइ अभियानले प्रहरी र स्थानीयबीचको सम्बन्धलाई अझ बलियो बनाउने विश्वास गरिएको छ।

कार्यक्रमको दौरान सरसफाइसँगै जनचेतना अभिवृद्धि गर्ने उद्देश्यले वातावरणीय संरक्षण र धार्मिक सम्पदाको संरक्षणको महत्त्वबारे पनि छलफल भएको थियो।