वीरगञ्ज । बिहारको मुजफ्फरपुरमा बाढी पिडितका लागि राहत सामग्री लिएर गइरहेको भारतीय वायुसेनाको हेलिकप्टर दुर्घटनाग्रस्त भएको छ । यो घटना औराईको बाढी प्रभावित क्षेत्रमा भएको हो । दुर्घटनामा पाइलट र सेनाका जवानहरू भने सुरक्षित छन् ।

वायुसेनाको हेलिकप्टर सीतामढीबाट बाढी पीडितहरूको लागि राहत सामग्री लिएर टेकअफ गरेको थियो । उडानका क्रममा औराईको नयाँ गाउँ वार्ड नं १३ मा हेलिकप्टर अनियन्त्रित भई बाढीको पानीमा खसेको हो ।

घटनाको जानकारी पाउने बित्तिकै जिल्ला प्रशासन र प्रहरी टोली घटनास्थलमा पुगेको छ । पाइलट र सेनाका जवानहरूलाई सुरक्षित रूपमा बाढीको पानीबाट उद्धार गरी बाहिर निकालिएको छ । हेलिकप्टरलाई पानीबाट निकाल्ने प्रयास भइरहेको छ ।