जुनियर एनटीआर स्टारर दक्षिण भारतीय फिल्म ‘देवरा पार्ट १’ बक्सअफिसमा राम्रो व्यापार गरिरहेको छ। फिल्मले चारदिनमा घरेलु बक्सअफिसमा १७३ करोड १० लाख भारतीय रुपैयाँ कलेक्सन गरेको छ। 

हिन्दीसहित तमिल र तेलुगुमा भाषामा रिलिज भएको यस फिल्मले पहिलो दिन भारतभर ८२ करोड ५० लाख भारू ओपनिङ गरेको थियो। 

दोस्रो दिन ३८ करोड २० लाख कमाउँदा तेस्रो दिन ३९ करोड ९० लाख भारुको व्यापार गरेको थियो। चौथो दिनमा भने फिल्मले १२ करोड ५० लाख भारु कमाएको छ। विश्वभर भने यस फिल्मले तीन सय करोड क्लबमा पुगिसकेको छ।

कोरतला सिवाद्वारा निर्देशित यस फिल्ममा एनटिआरसहित जान्हवी कपुर, सैफ अली खान, प्रकाश राज, श्रीकान्त र शाइन टम चाको मुख्य भूमिकामा छन्।

बलिउड अभिनेत्री जान्हवीले कपुर यसै फिल्ममार्फत साउथमा डेब्यु गरेकी हुन्।