वीरगञ्ज । वीरगञ्जमा हिमानी राज्य लक्ष्मी देवी शाहको जन्मदिन मनाइएको छ । देश भक्त राज्य भक्तका अध्यक्ष दिपेन्द्र प्रसाद रौनियारको अध्यक्षतामा वीरगञ्जको महाविर मन्दिर परिसरमा पूर्व युवराज्ञी हिमानीको ४९ औँ जन्मोत्सव मनाइएको हो । 

हिमानीको तस्बिरमा माल्यार्पण गर्र्दै शुभकामना साटासाट गरेर जन्मोत्सव मनाइएको हो । सो अवसरमा वक्ताहरुले पुनः देशमा राजतन्त्रको आवश्यक्ता औँल्याएका थिए । वर्तमान परिवेशमा देशमा बढ्दो निराशा रहेको बताउँदै वक्ताहरुले राजा फर्किनुपर्ने धारणा राखेका थिए ।  

कार्यक्रममा संस्थाका उपाध्यक्ष सतिश कुमार श्रीवास्तव, समाजसेवी पशुपति विक्रम शाह, महेन्द्र प्रसाद साह, बिरेन्द्र थापा, पृथ्वी झा, कमल प्रसाद घिमिरे, अणु राणा, ध्रुबसिंह ठकुरी लगायतको उपस्थिती रहेको थियो ।