दक्षिण भारतीय सुपरस्टार विजयले आफ्नो पार्टीको झन्डा र चिन्ह सार्वजनिक गरेका छन् । अभिनेता विजयले बिहीबार तमिलगा वेत्री कझगम (टीभीके)को कार्यालयमा पार्टीको आधिकारिक झन्डा र चिन्ह सार्वजनिक गरेका हुन् ।

जनताहरूले पार्टीको पहिलो राज्य सम्मेलनको प्रतिक्षा गरिरहेका छन् भन्ने आफूलाई थाहा भएको र यसको तयारी भइरहेको उनले सो अवसरमा बताए ।

छिटै आफूले पार्टीको पहिलो राज्य सम्मेलनको घोषणा गर्ने पनि उनले भनेका छन् । तमिलनाडुको विकासका लागि मिलेर काम गरिने उनको भनाइ छ । पार्टीको झन्डा अनावरण गर्नुअघि विजयले शपथ पनि पढेका थिए ।

बुधबार तमिलमा जारी प्रेस विज्ञप्तिमा अभिनेताले जनताको काम गर्नु एउटा ठूलो आशिर्वाद भएको बताएका थिए । अभिनेता केही महीना अघिमात्रै राजनीतिमा प्रवेश गरेका हुन् । गत फेब्रुअरीमा उनले आफ्नो पार्टीको नाम तमिलगा वेत्री कझगम राखेका थिए ।