वीरगञ्ज । राष्ट्रिय आविष्कार केन्द्रले वीरगञ्जस्थित कृषि औजार कारखानाको सञ्चालन र व्यवस्थापनको जिम्मेवारी लिएपछि २२ महिनाको अवधिमा डेढ दर्जन साना–ठूला कृषि औजारको अनुसन्धान तथा विकास गरेको छ।

केन्द्रले हालसम्म पराल काट्ने मेसिन, धान काट्ने मेसिन (रिपर), दाना बनाउने मेसिन, धान रोप्ने सानो मेसिन (रिपर), घाँस खुर्किने, ड्याङ बनाउने मेसिन, खाल्डो खन्ने हातेऔजार, आलु रोप्ने, आलु गोड्ने, घाँस तथा पराल काट्ने (चाप कटर), साना ट्याक्टरमा राख्ने कल्टिभेटर, हाते प्रेस मेसिन, प्लास्टिक ओछ्याउने, र केराको फाइबर निकाल्नेजस्ता आधुनिक कृषि औजार तयार पारेको छ।

केन्द्रले यी आविष्कारहरूको अनुसन्धान र विकासमा करिब रु दुई करोड खर्च गरेको जनाएको छ। यसले नेपालको कृषि क्षेत्रमा नयाँ प्रविधिको विकासमार्फत किसानहरूलाई उत्पादनशीलता बढाउनमा महत्त्वपूर्ण योगदान पुर्‍याएको छ।

अधिकार सम्पन्न निकायहरूको सहयोग र निरन्तर अनुसन्धानले भविष्यमा पनि थप उपयोगी कृषि उपकरणहरू निर्माण गरी किसानहरूको जीवनस्तर सुधार्न केन्द्रले प्रतिबद्धता व्यक्त गरेको छ।