वीरगञ्ज । अन्तर्राष्ट्रिय युवा दिवसको अवसरमा वीरगञ्जमा सरसफाइ कार्यक्रमको आयोजना गरिएको छ ।
ट्र्याक्टर क्लब अफ वीरगञ्ज मेट्रोपोलिस र इन्ट्रेक्ट क्लब अफ जीवन ज्योति स्कुलले सोमबार बिहान संयुक्त रुपमा सरसफाइको आयोजना गरेको हो ।
वीरगञ्ज महानगरपालिका वडा नम्बर ९ स्थित गणेश मन्दिर आसपाससँगै विद्यालय परिसरमा सरसफाइ गरिएको जीवन ज्योति स्कुलका प्रधानाध्यापक शिव गुप्ताले बताए । विद्यार्थीलाई सरसफाइमा सहभागी बनाएर समाजप्रति जिम्मेवार बनाउने अभिप्रायले सरसफाइ गरिएको गुप्ताको भनाई छ ।
बिहान करिब दुई घण्टासम्म विद्यालयका शिक्षक, कर्मचारी, विद्यार्थीसँगै ट्र्याक्टर क्लब अफ वीरगञ्ज मेट्रोपोलिसका पदाधिकारी सदस्यहरूले सो क्षेत्रमा सरसफाइ गरेका हुन् । सरसफाइसँगै विद्यार्थीहरूले सफा वीरगञ्ज, स्वच्छ वीरगञ्ज लेखिएको प्ले कार्ड बोकेर फोहोर नगर्न र सरसफाइ गर्नुपर्ने सन्देश दिएका थिए ।
ट्र्याक्टर क्लब अफ वीरगञ्ज मेट्रोपोलिस र इन्ट्रेक्ट क्लब अफ जीवन ज्योति स्कुलको अध्यक्षतामा सम्पन्न कार्यक्रममा रोटरी क्लब अफ वीरगञ्ज मेट्रोपोलिसका अध्यक्ष अनिल जयसवाल, इन्ट्रेक्ट क्लब अफ जीवन ज्योति स्कुलका अध्यक्ष ममता चौहान लगायतको सहभागिता थियो ।
यात्रा डेली
