वीरगञ्ज, ११ माघ । नेकपा माओवादी केन्द्र मधेश प्रदेशका दुईजना प्रदेश सभा सदस्यले शपथ लिएका छन् ।
रजि हैदर र रुवी कर्णले प्रदेश सभा सचिवालयमा आज शपथ लिएका हुन् । सभामुख रामचन्द्र मण्डलले उनीहरूलाई शपथ खुवाएका हुन् ।
दुवै जना समानुपातिक प्रणालीबाट सांसद भएका हुन् । मुद्दा परेपछि सर्वोच्च अदालको आदेशले दुई सांसदको शपथ रोकिएको थियो ।
मधेश प्रदेशमा अरु १ सय ५ सांसदको शपथ भने गत पुस १५ गते भएको थियो ।
यात्रा डेली
