२ असार । कार्यात्मक प्रशिक्षण एउटा निश्चित उद्देश्यमा केन्द्रीत रहेर गरिने शारीरिक अभ्यास हो । हामीले दैनिक रूपमा गरिने सामान्य अभ्यासहरू पनि यसमा समावेश हुन्छ । तर यसको उपयोगिताको लागि भने नजिकैको फिटनेस सेन्टर वा फिटनेस शिक्षकसँग पनि सल्लाह लिन सकिन्छ ।
पछिल्लो समय बढी प्रचलनमा रहेको कार्यात्मक प्रशिक्षणलाई पश्चिमा मुलुकतिर परम्परागत अभ्यास शैलीभन्दा फरक हिसाबले चिनाउने गरिन्छ । यस्तो खाले प्रशिक्षणको उद्देश्य व्यक्तिको उमेर, फिटनेस स्तर, वर्तमान स्वास्थ्य अवस्था र लक्ष्यहरूमा निर्भर हुन्छ । यो खेल खेलाडीको उत्कृष्ट प्रदर्शनको लागि होस् या दैनिक जीवनमा हुने गतिविधिलाई राम्रो बनाउनेमा समेत उपयोगी हुने गर्छ । दैनिक रूपमा स्वयं गरिने गतिविधि नै कार्यात्मक प्रशिक्षण हो ।
फिटनेस उद्योगमा धेरै प्रवृत्तिहरूको चर्चा हुन्छ । जसमध्ये एउटा हो कार्यात्मक प्रशिक्षण । अँग्रेजीको ‘फङ्क्शनल’ शब्दले शक्ति प्रशिक्षणलाई पूरै नयाँ रूपमा चिनाएको छ । अमेरिकी कलेज अफ स्पोर्ट्स मेडिसिनले २०१४ मा विश्वव्यापी फिटनेस प्रवृत्तिलाई ८ किसिमको कार्यात्मक प्रशिक्षणको रूपमा वर्गीकरण गरेको थियो ।
कार्यात्मक प्रशिक्षणले शारीरिक अभ्यासको क्रममा समन्वय, सन्तुलन र शारीरिक जागरूकतामा पनि सुधार ल्याउँछ । जसले तपाईंलाई अनावश्यक चोटबाट जोगिन पनि मद्दत गर्छ । केही कार्यात्मक गतिविधिहरू हुन्छन् जसलाई आफ्नो दिनचर्यामा समावेश गर्न सक्नुहुन्छ ।
विगत १० वर्षमा प्रशिक्षणलाई अझ कार्यात्मक बनाउने दिशामा विश्वव्यापी रूपमा परिवर्तन आएको छ । यद्यपि हालसालको कार्यात्मक प्रशिक्षण लोकप्रिय हुँदै गएको छ । कार्यात्मक व्यायाम र कार्यात्मक गतिविधिको अवधारणा मानिसको चेतना जस्तै पुरानो छ ।
कार्यात्मक प्रशिक्षण के हो ?
धेरै व्यक्तिहरूको लागि व्यायाम जीवनको गुणस्तर कायम राख्ने र सुधार गर्ने एक तरिका हो, जुन कार्य प्रशिक्षणको केन्द्रमा रहन्छ । कार्यात्मक व्यायामले कुनै निश्चित उद्देश्य लिएर आफ्नो शारीरिक गतिविधिमार्फत् शारीरिक तन्दुरूस्ती खोज्नु नै कार्यात्मक प्रशिक्षण हो ।
कार्यात्मक व्यायामले सम्पूर्ण शरीरको लाभ हासिल गर्ने गर्छ । जसले माथिल्लो शरीरको भागको अभ्यासले सम्पूर्ण शरीरमा लाभ हासिल हुन्छ । सामान्यतया कार्यात्मक अभ्यास प्रशिक्षणमा सिट र बेन्चहरूको प्रयोग गरिँदैन । कार्यात्मक प्रशिक्षणले मान्छेको शारीरिक स्थिरीकरणको लागि सहयोग गर्ने गर्छ । मुख्य स्थिरीकरणको साथ हामी विभिन्न शारीरिक गतिविधि मार्फत हाम्रो शरीरलाई नियन्त्रण गर्न सक्छौं । कोर स्थिरीकरणले अधिक वृद्ध जनसंख्यालाई बढी सजिलोसँग दैनिक जीवनमा गतिविधि गर्न मद्दत पुर्याउँछ ।
कार्यात्मक व्यायाममा बुझ्नुपर्ने कुराहरू:
–विरलै हुने आइसोलेसन अभ्यास यसमा हुन्छ
–सम्पूर्ण शरीरमा चाल उत्पन्न हुन्छ
– शरीरलाई सधैं गतिशील बनाइराख्न मद्दत गर्छ ।
– दैनिक जीवनका सम्पूर्ण गतिविधिहरूको स्तरीकरणमा यसले सहयोग गर्छ ।
– विविध तहमा चाल बढ्छ ।
– शारीरिक सन्तुलन कायम गर्न मद्दत गर्छ ।
– समन्वय र एकाग्रता आवश्यक हुन्छ ।
एजेन्सी
