वीरगञ्ज, २१ चैत । भारतमा कोरोना भाइरसबाट सङ्क्रमित र मृत्यु हुनेको सङ्ख्या दिन प्रतिदिन तीव्र रुपमा वृद्धि हुँदै गएको छ ।
पछिल्लो २४ घण्टामा मात्रै ८९ हजारभन्दा बढी नयाँ सङ्क्रमित थपिएका छन् । सोही अवधिमा कोरोना सङ्क्रमणका कारण मृत्यु हुनेको संख्या ७ भन्दा बढी छ ।
भारतको केन्द्रीय स्वास्थ्य तथा परिवार कल्याण मन्त्रालयले सार्वजनिक गरेको विवरण अनुसार भारतमा हालसम्म सङ्क्रमित हुनेको सङ्ख्या एक करोड २३ लाख नाघेको छ ।
भारतमा कोरोना भाइरसको सङ्क्रमणका कारण हालसम्म मृत्यु हुनेको संख्या पनि एक लाख ६४ हजार नाघेको छ ।
सङ्क्रमित र मृतकहरुको सङ्ख्या दिन प्रतिदिन बढ्दै गए पनि राजधानी दिल्लीमा भने लकडाउन लागू गर्ने कुनै योजना नरहेको मुख्यमन्त्री अरविन्द केजरीवालले बताएका छन् ।
महामारी फैलिँदै गएकाले फेरि लकडाउन लागू हुने आशङ्का र चर्चा चलिरहेका बेला शुक्रबार उनले लकडाउन गर्ने योजना नरहेको स्पष्ट परेका हुन् ।
एजेन्सी
