वीरगन्ज २१ चैत । वीरगन्ज : नेपाली कांग्रेसका प्रभावशाली युवा नेता एवं उद्योगपति अनिल रुगंटाले वीरगन्जको नारायणी अस्पताललाई आवश्यक उपकरण उपलब्ध गराएका छन् । निजी अस्पतालहरुले समान्य ज्वरोका विरामीलाई समेत भर्ना लिन नमानेपछि एक मात्र सरकारी अस्पतालमा विरामीहरुको चाप बढ्न थालेपनि उपकरणको अभावमा उपचारमा समस्या देखिएकोले तत्काल केहि उपकरण उपलब्ध गराएको उनले बताए ।
शुक्रबार अस्पतालको अनुगमन गर्ने क्रममा अस्पतालका मेसु डा. मदन उपाध्यायले निजि अस्पतालमा विभिन्न बहानामा विरामीहरुलाई भर्ना लिन नमानेपछि यहाँ ह्वातै विरामीको संख्या बढ्न बढेको बताएका थिए । थप उपकरणहरुको अभावमा गम्भीर प्रकृतीका विरामीलाई यहाँबाट बाध्य भएर रेफर गर्नु परेको गुनासो गरेका थिए ।
अक्सिजन केन्द्र एक यस्तो उपकरण हो जसले ग्यास आपूर्ति (सामान्यतया वातावरणीय हावा) बाट अक्सिजनलाई केन्द्रित रूपमा नाइट्रोजन हटाएर एक अक्सिजन समृद्ध उत्पाद ग्यास प्रवाहलाई आपूर्ति गर्न नाइट्रोजन निकाल्छ र एउटा मेसिनले सातवटा बेटलाई आपुर्ती गर्न सक्छ मेसु. डा. उपाध्यायले बताए ।
अस्पतालको अनुगमन गर्ने क्रममा कांग्रेसका पर्सा क्षेत्र नम्बर ४ का क्षेत्रीय सभापती जर्नाधन सिंह क्षेत्री, अस्पतालका चिकित्सक डा. विरेन्द्र प्रधान, डा. उदयनारायण सिंह लगायतको सहभागिता रहेको थियो ।