राजपा पछि हट्यो नारायणी रंगशालालाई प्रादेशिक रंगशालाका रुपमा स्तरोन्नत्ती गर्ने पर्ने आन्दोलनबाट

182

Share
  • 121
  •  
  •  
    121
    Shares

वीरगन्ज १५ पुस । वीरगन्जको नारायणी रंगशालालाई प्रादेशिक रंगशालाका रुपमा स्तरोन्नत्ती गर्ने पर्ने आफ्नै मागबाट राष्ट्रिय जनता पार्टी (राजपा) पछि हटेको छ। पुष ७ गते रंगशालालाई स्तरोन्नत्ती गर्न प्रदेश सरकारलाई दबाब दिने निर्णयबाट राजपा पछि हटेको हो।

राजपा , काँग्रेस , नेकपा र फोरम नेपालको संयुक्त बैठकले नारायणी रंगशालालाइ प्रादेशिक रंगशालाका रुपमा स्तरोन्नत्ती गर्न माग गर्दै त्यसका लागि प्रदेश सरकारलाई दबाब दिन पुष १६ गतेदेखि चरणबद्ध संघर्षका कार्यक्रम गर्ने निर्णय नै गरेको थियो।

उक्त बैठकले नारायणी रंगशालामा मानव साङलो प्रदर्शन गर्ने, त्यसपछि वीरगन्जबाट एक सर्वदलीय टोली जनकपुरमा रहेको मुख्यमन्त्री तथा मन्त्रीपरिषद्को कार्यालयमा गएर प्रदेश सरकारला दबाब दिने लगायतका पाँच बुँदे निर्णय गरेको थियो। निर्णय पुस्तिकामा राजपाका जिल्ला संयोजकसहित अन्य दलका नेताहरुले पनि हस्ताक्षर गरेका थिए।

सर्वपक्षिय बैठकले गरेको निर्णय अनुसार ,सोमबार पुष १६ गते प्रदेश सरकारलाई दबाब दिन भन्दै नारायणी रंगशालामा मानव साङलो प्रदर्शन गर्ने एकदिन अगाडि अर्थात् आइतबार राजपाले एक विज्ञप्ति जारी गर्दै आन्दोलनमा आफनो दलको समर्थन नरहेको स्पष्ट पारेको हो।

राजपा पर्सा जिल्ला संयोजक जगदशी पटेल, जिल्ला अयक्ष मण्डलका सदस्यहरू रमेश पटेल, वीरेन्द्र यादव र कृष्णा पटेलले संयुक्त रुपमा हस्ताक्षर गरेको विज्ञप्तिमा केहि दलले प्रदेश सरकारको विरोधमा अनावश्यक कार्यक्रम गर्न लागेकाले उक्त प्रदर्शन र आन्दोलनमा आफनो दल सहभागी नरहने उल्लेख छ।

अर्कोतर्फ राजपाकै केन्द्रिय महासचिव राजेशमन सिंहले भने राजपा कसैको बपौती नभएको बताए। ‘वीरगन्जको साझा मुद्धाका लागि हुने कार्यक्रममा राजपा सदैव सहभागी हुन्छ ,उनले भने ,‘नारायणी रंगशाला वीरगन्जको धरोहर हो, त्यसैले यसलाइ प्रादेशीक रंगशाला बनाउनु नै पर्छ, यसलाइ लिएर घोषणा गरिएको आन्दोलन कुनै दल विशेषको नभइ सम्पूर्ण वीरगन्जवासीको आन्दोलन हो।’

नारायणी रंगशालालाइ प्रादेशीक रंगशालाको रुपमा घोषणा गर्न माग गर्दै वीरगन्जमा भइरहेको आन्दोलनको अगुवाइ गर्दै आएका युवा सरोज चौरसीयाले भने प्रदेश सरकारमा रहेका राजपाका मन्त्रीहरुको दवावका कारण राजपाका नेताहरू अचानक पछि हटेको बताए।

भौतीक पुर्वाधार विकासमन्त्री समेत रहेका राजपाका महामन्त्री सोनलले दबाब दिएपछि पर्साका राजपाका नेताहरू आफैले गरेको निर्णयबाट अहिले अचानक पछाडि हटेको भन्दै चौरसीयाने भने ,‘प्रदेश सरकारले फेरि वीरगन्जका विरुद्धमा षडयन्त्र गरेको छ।’


LEAVE A REPLY

Please enter your comment!
Please enter your name here