तिन दिन देखीको अविरल वर्षाका कारण वीरगंज नगर क्षेत्र तथा पर्साको ग्रामिण क्षेत्रको जनजीवन प्रभावित राहत वितरणका लागि अनुगमन सुरु

1840

Share
  •  
  •  
  •  

वीरगन्ज २८ साउन विगत तिन दिन देखीको अविरल वर्षाका कारण वीरगंज नगर क्षेत्र तथा पर्साको ग्रामिण क्षेत्रको जनजीवन नराम्रो सँग प्रभावित भएको छ ।
भारत विहार पश्चिम चम्पारण बाल्मीकिनगर स्थित रहेको ३६ ढोका भएको ब्यारेज भारत तर्फका कर्मचारीहरुले पर्याप्त नखोलेका कारण पर्सा जिल्लाको नहर छेऊँका विभिन्न गाऊँपालिका डुबानमा परेको छ । जिल्लाको सबैभन्दा बढी जगरनाथपुर गाउँपालिका, मसिहानी गाउँपालिका, बौधिमाई गाउँपालिका लगायत पोखरीया नगरपालिकाको दर्जनौँ वडा डुबानमा परेको जिल्ला प्रहरी कार्यालय पर्साले जनाएको छ ।
गएरातिदेखी नहरको पानि भलुवाही खोलामा आएका कारण जगरनाथपुर गाँउपालिकाको हरपुरमोर टोलका ८२ घर डुबानमा परेको छ । घरमा पानी पसेपछि सर्वसाधारण सो गाँउमा रहेको पक्की घर र विद्यालयमा आश्रय लिन बाध्य भएको जिल्ला प्रहरी कार्यालय पर्साका प्रहरी नायब उपरिक्षक चक्र बहादुर जोशीले बताए । नहरकै पानी जानकीटोलामा पस्दा सडक भासिएको छ भने गाऊँका अधिकास घर डुबानमा परेको छ ।
यसैगरी नहरसँगै जोडिएको गंगोल नदिमा आएको बाढीले मसिहानी गाउँपालिको मदुवाहा टोलको २५ घरमा बाढीको पानी पसेको प्रहरीले जनाएको छ । मसिहानीमै स्थानियले पालेको कुखुरा खोरमा समेत क्षति भई सयौँ कुखुरा बाढीले बगाएको छ ।
पर्सा जिल्लामा बाढीले पारेको प्रभाव र राहत वितरणका लागि अनुगमन गर्न जिल्ला दैविक प्रकोप उद्धार समितिको आक्सीमक बैठक सम्पन्न भएको छ । बैठकले पर्सा जिल्लामा बाढीले पु¥याएको प्रभावित एरिया र सम्भावित स्थानहरुको अनुगमनका लागि समिति गठन गर्ने निर्णय भएको जिल्ला प्रशासन कार्यालय पर्साले जनाएको छ । विहान १० बजे प्रमुख जिल्ला अधिकारी केशव राज घिमिरेको नेतृत्वमा बसेको बैठकमा सहायक प्रमुख जिल्ला अधिकारी दुर्गा दत्त पौडेलको नेतृत्वमा बाढीबाट प्रभावित क्षेत्रको स्थलगत अनुगमन गर्ने निर्णय भएको छ । नेपाल प्रहरी र शसस्त्र प्रहरीबाट प्रहरी नायब उपरिक्षक र अनुसन्धानबाट प्रहरी निरिक्षक रहने गरी बाढी प्रभावित क्षेत्रमा खटाउने र उद्धार तथा राहत वितरण गर्ने निर्णय गरेको जिल्ला प्रशासन कार्यालय पर्साका प्रमुख जिल्ला अधिकारी केश्व राज घिमिरेले जानकारी गराएका छन् । प्रभावित क्षेत्रमा आवश्यक अनुसार नेपाली सेना समेत परिचालन गरिने निर्णय गरिएको जनाएको छ ।
वर्षाका कारण बारा जिल्लाको समेत जनजीवन अस्तव्यस्त बनेको छ । सहरदेखि गाउँ जलमग्न भएको छ । वर्षाका कारण बिहान घर भत्किँदा बारा सिम्रौनगढ नगरपालिका ८ कचोर्वाका रामविलास पासवानकी ४५ वर्षीया गहनीदेवी पासवानको मृत्यु भएको जिल्ला प्रहरी कार्यालय बाराले जनाएको छ ।


LEAVE A REPLY

Please enter your comment!
Please enter your name here