You are here: HomeखेलकुदItems filtered by date: Tuesday, 18 April 2017

प्रधानमन्त्री पुष्पकमल दाहाल प्रचण्ड लाई फोटोपत्रकारको हकहितको लागि ७ वुदे मागपत्र वुझाएपछि समुहीक फोटो खिचाउदै राष्ट्रिय फोटोपत्रकार समुहका सदस्यहरु । तस्वीर , राष्ट्रिय फोटोपत्रकार समुह ।

राम सर्राफ वीरगन्ज ५ बैशाख सरकारले स्थानीय तहको निर्वाचन मिति घोषणा गरेपछि संयुक्त लोकतान्त्रिक मधेशी मोर्चाले मंगलबार साँझ वीरगन्ज बजारमा मसाल जुलुस प्रदर्शन गरेको छ । संविधान संशोधन मार्फत आफ्ना मांग सम्वोधन नगरी स्थानीय निकायको निर्वाचन मिति घोषणा गरेको विरोधमा मोर्चाका कार्यकर्ताहरुले मशाल जुलुस प्रदर्शन गरेका छन । वीरगन्जको घण्टाघर नजिकबाट मशालसहित निक्लिएको प्रदर्शनकारीहरुले सरकारविरुद्ध चर्को नाराबाजी गर्दै नगर परिक्रमा गरेका थिए । मोर्चाले सांकेतिक विरोधस्वरुप मसाल जुलुस प्रदर्शन गरेको मोर्चाका वीरगन्ज संयोजक पुरुसोतम झाँले बताए । बजारको सुरक्षा व्यवस्था कडा पारीए पनि प्रहरीले मसाल जुलुसमा कुनै हस्तक्षेप गरेको थिएन ।

 

बिरगन्ज ५ बैशाख  पर्सामा स्संयुक्त लोकतान्त्रिक मधेसी मोर्चाले सरकारले घोषणा गरेको स्थानीय तह निर्वाचन बिथोल्नका लागि संघर्ष समिति गठन गरेका छन । 

मधेसी मोर्चाको मंगलबार वीरगन्जको होटल कुम्भुमा बसेको बैठकले निर्वाचन बिथोल्नका लागि पर्साका पाँच वै निर्वाचन क्षेत्र , दुवै नगरपालिका र गाउ गाँउमा  संघर्ष समिति गठन गरेको संघीय समाजवादी फोरम नेपाल पर्साका अध्यक्ष प्रदीप यादवले बताएका छन । 

संघीय समाजवादी फोरम नेपाल पर्साका अध्यक्ष यादवको अध्यक्षतामा स्थानीय तह निर्वाचन बिथोल्नका लागि संघर्ष समिति गठन गरिएको हो स्थानीय तह निर्वाचन बिथोल्नका लागि संघर्ष समितिमा फोरम नेपालको प्रदेश नम्बर २ का सचिव सलाउदीन अहमद , तराइ मधेस लोकतान्त्रिक पार्टीका पर्सा अध्यक्ष पुरुषोतमलाल झा , राष्टिय मधेस समाजवादी पार्टी पर्साका अध्यक्ष प्रेमबाबु पटेल , सदभावना पार्टीका केन्द्रिय सदस्य निजामुदिन समानी , जिल्ला सचिव राजेश साह , तराइ मधेस सदभावना पार्टीका पर्सा अध्यक्ष वीरेन्द्र यादव र मधेसी जनअधिकार फोरम गणतान्त्रिकका पर्सा अध्यक्ष मुस्तकीम अन्सारीको रहेका छन । 

यसैगरि बैठकले आज साँँझ ६ बजे वीरगन्जको घण्टाघर चोकबाट बृहत मशाल जुलुश निकाल्ने , बैशाख ७ गते बिहान आठ बजे वीरगन्जमा सिठ्ठी र लाठी जुलुश निकाल्ने र ९ गते आमसभा आयोजना गर्ने निर्णय पनि गरेका छन । वीरगन्जमा नौ गते हुने आमसभालाइ सदभावना पार्टीका अध्यक्ष राजेन्द्र महत्तो , तराइ मधेस सद्भावना पार्टीका अध्यक्ष महेन्द्र राय यादव लगायतका नेताहरुले सम्बोधन गर्ने मधेसी मोर्चाले जनाएको छ ।

Published in समाचार

विरगंज,  बैशाख - विरगंजको श्रीपुर स्थित रहेको ज्ञान वाटिका उच्च माध्यमिक विद्यालय अभिभावकहारको पहिलो रोजाइ र बालबालिकाको लागि सहि गन्तव्य बनेको छ । बालबालिका हुर्काउनको लागि उपयुक्त वातावरण रहेको यो स्कुलमा सैद्धान्तिक र व्यावहारिक दुवै शिक्षा दिने गरिएकोले अभिभावकहारको पहिलो रोजाइ बन्न ज्ञान वाटिका सफल भएको प्रिंसिपल डा. अन्जु कुमारीको भनाइ छ । 

ज्ञान वाटिकामा पढाइ संगसंगै असल संस्कार र सिकाइलाइ महत्व दिने गरिएको विद्यालयकि प्रिंसिपल डा. कुमारीको बताउछिन ।साना नानी बाबुहरुलाई घरमा जस्तै मायालु वातावरणमा हुर्काएर असल मान्छे बनाउने एउटा आधार बनोस् भन्ने उद्धेश्यका साथ २०५२ सालमा शिक्षक हरिहर प्रसाद यादव द्वारा स्थापना भएको यस स्कुलमा अहिले ६०० जना विद्यार्थी अध्ययनरत रहेका छन् ।

ज्ञान वाटिकामा विद्यार्थीह र अभिभावकहरुकोको आकर्षण हुनुको कारण चाहिँ ज्ञान वाटिकामा आफ्नै भौतिक संरचना पनि एक हो । आफ्नै ७ कट्ठा जग्गामा सञ्चालित यस स्कुलमा खेलकुद र अन्य क्रियाकलापका लागि विद्यालयमा आफ्नै ठुलो ग्राउण्ड रहेको छ । स्मार्ट बोर्ड प्रविधि द्वारा शिक्षा दिइने यस स्कुलले अब्बल दर्जाको विद्यार्थी उत्पाद गर्न सधै सफल रहेको विद्यालयका संस्थापक हरिहर प्रसाद यादवको दावी छ । विद्यालयको कक्षा कोठाहरुमा सीसिटिवी क्यामेरा जडान गरि विद्यार्थीको हरेक क्रियाकलापलाइ अध्यन गर्ने गरिएको यादव बताउछन । जिल्लाको शैक्षिक स्थिति उत्थान गर्न नीतिले स्थापित यस स्कुलले न्यूनतम मासिक शुल्कमै शिक्षा प्रधान गर्ने गरेको यादवले बताउछन । 

कुशल र दक्ष शिक्षकहारको द्वारा अध्यापन गराइने यस स्कुलले विध्यर्तीहरुको सैद्धान्तिक र व्यावहारिक विकासको लागि सधै विभिन्न भ्रमण, पिकनिक र यात्राको आयोजना पनि गर्ने गरेको छ । त्यस्तै कमजोर र सुस्त विद्यार्थीका लागि विद्यालयले छुट्टै क्लासको समेत व्यस्था गर्ने गरिएको छ । बालबालिका चौतर्फी विकासका लागि विद्यालयले प्रतेक हफ्ता अतिरिक्त पाठयक्रम गतिविधिहरुको समेत आयोजना गर्ने गरिको छ । साथै नृत्य, कला, गायन, संगीत र अन्य कौशलहरु प्रधान गर्ने छुट्टै शिक्षकहारको व्यस्था गरिएको छ ।

हिजोका दिनमा यहाँबाट उत्पादित भएका विद्यार्थीहरु सफल ईन्जिनियर, डाक्टर, वकिल, व्यापारी बनिसकेको अबस्था र शिक्षकहरु आफ्नो ठाउँमा त छदै छन । सरकारले गत बर्षबाट ल्याएको ग्रेडिङ्ग सिष्ट एस.ई.इ परिक्षामा पनि विद्यार्थीहरुले राम्रो जिपिए ल्याएका छन् । त्यसै गरी ज्ञान वाटिकामा ल्याब, लाइबे्ररीहरु पनि राम्रो रहेको र विद्यालयमा प्लस टु पनि भएकाले गर्दा विद्यार्थीलाई आवश्यक भौतिक कुराहरु दिने प्रयास पनि गरिएको छ ।

वीरगन्ज  बैशाख वीरगन्ज–पछिल्लो समय प्रहरीकै मिलेमतोमा वीरगन्जबाट भइरहेको तस्करीको विषयमा जिल्लाका २ जना प्रहरी हाकिमबीच गाली गलौज भएको छ । जिल्ला प्रहरी कार्यालय पर्साले प्रहरीको कमाण्ड सम्हाल्न नसक्दा संगठन भित्र अनुशासनहिनताको पराकाष्ठा नाघेको छ । आइतबार राति प्रहरी उपरिक्षक (एसपी) गोविन्द कुमार साह र प्रहरी नायब उपरिक्षक यज्ञ प्रसाद भट्राईबीच प्रहरीको सञ्चार सेटमै दोहोरो गाली गलौज भएको हो । एसपी र डीएसपीबीच सेटमै गाली गलौज भएपछि राति डिउटीमा रहेका जुनियर प्रहरी अधिकृत आतंकित बनेका थिए । प्रहरी स्रोतका अनुसार गत साता मध्यक्षेत्रीय प्रहरी कार्यालय हेटौंडाका डीआइजी गणेश केसीले तस्करीको लाइन पर्सामा खुलेको भन्दै डीएसपी यज्ञ प्रसाद भट्टराईसँग स्पष्टीकरण लिएका थिए । लाइन खोल्ने चाहि एसपी अनि स्पष्टीकरण आफूसँग सोधिएकाले डीएसपी तनावमा थिए । आइतबार राति मदिरा सेवन गरेर उनले सेटमै तस्करीको लाइनको मु.....मा......ले खोलाएको छ ? जसको एरियाबाट तस्करी हुन्छ त्यसलाई कारवाही गर्छु भन्ने कडा निर्देशन दिए । गाली सुनेपछि एसपी गोवन्द कुमार साहले सेटमै जवाफ फर्काए – ‘को बौलायो ? किन गाली गरेको सेटमा ? ल गाली गर्नेलाई थुनेर मापसे चेक गरा ।’ लग्त्तै डीएसपी भट्टराईले सेटमै भने – ‘को मा.... आउ“छ समात्न आइज । समात्न आउनेलाई गोली ठोक्छु ।’ त्यसपछि नजिकै रहेको नारायणी अञ्चल प्रहरी कार्यालयको पहलमा सबै सिनियर अफिरलाई रातिनै सामेल गराएर गालीगलौजको घटना वाहिर नलैजाने सहमति भयो । मध्यरात करिब १२ बजे सुरु भएको गालीगलौजपछि झन्डै १ घन्टा जिल्ला प्रहरी कार्यालयमा तनावपूर्ण स्थिती बनेको जुनियर अधिकृतहरु बताउँछन् ।

वीरगन्ज  बैशाख पुरानो स्थानिय निकायका गाविस, नगरपालिका, उपमहानगरपालिका र महानगरपालिका विघटन भएर  नयाँ ढाँचा अनुसारको स्थानीय तहमा गाउँपालिका, नगरपालिका, उपमहानगरपालिका र महानगरपालिका गठित भएका छन ।  सरकारले नयाँ स्थानिय निकायको निर्वाचन यही बैशाख ३१ गते हुने घोषणा गरिसकेको छ ।

 

निर्वाचन संगै प्रत्येक महानगरपालिका तथा नगरपालिका बाट १र१ जना मेयर तथा उपमेयर, प्रत्येक गाउँपालिका बाट  १र१ जना प्रमुख तथा उपप्रमुख र प्रत्येक वडाहरुबाट १ जना अध्यक्ष सहित अन्य ४ जना सदस्य चयन हुने छन् जसमध्ये प्रत्येक वडाबाट  एक दलित  महीला सहित अनिवार्य दुई महिला निर्वाचित हुनेछन ।

 

संविधानले गरेको ब्यवस्था अनुसार स्थानीय तहको काम, कर्तब्य र अधिकार पुरानो स्थानिय निकायको भन्दा व्यापक बनाईएको छ । अर्थात स्थानीय तहलाई स्थानीय सरकारको अवधारणा अनुसार अघी सारिएको छ। वडा कार्यालयबाट तोकिएका सेवा प्रवाह हुँदा जनतालाई प्रत्यक्ष राहत पुग्ने अपेक्षा सरकारको छ ।

 

देशैभर स्थानिय निर्वाचनको चहलपहल बढीरहेको परिप्रेक्ष्यमा गाउँपालिका र  नगरपालिकाका वडाको काम, कर्तव्य र अधिकारहरु प्रस्तुत गरेका छौं ।  

 

क( योजना तर्जूमा, कार्यान्वयन तथा अनुगमन

 

१। सहभागितामूलक योजना तर्जुमा प्रणाली अनुसार वस्ती वा टोलस्तरबाट योजना तर्जुमा प्रक्रिया अबलम्बन गरी बस्ती तथा टोलस्तरीय योजनाको लागत संकलन, प्राथमिकीकरण तथा छनौट गर्ने ।

२। वडाभित्रका क्रियाशील राजनीतिक दल, वडा नागरिक मञ्च, नागरिक सचेतना केन्द्र, टोल विकास संस्थालगायत सामुदायिक एवं सामाजिक संघ संस्था, निकायहरुसँग परामर्श, छलफल, सहभागितामूलक प्रक्रियाको अबलम्वन गर्ने ।

३। वडाभित्रका योजनाहरुको कार्यान्वयन, अनुगमन गर्ने ।

४। टोल विकास संस्थाको गठन र परिचालन गर्ने । वडाभित्र संचालन हुने योजनाहरुका लागि उपभोक्ता समितिको गठन तथा सोको अनुगमन गर्ने ।

५। वडाभित्रका आयोजना तथा भौतिक पूर्वाधारको संरक्षण, मर्मत सम्भार, रेखदेख तथा व्यवस्थापन गर्ने ।

 

ख( तथ्यांक अद्यावधिक तथा संरक्षण

 

१। निजी घर तथा घर परिवारको लगत राख्ने, ऐतिहासिक, पुरातात्विक, सांस्कृतिक तथा धार्मिक महत्वका सम्पदा तथा प्राचीन स्मारक, सार्वजनिक तथा सामुदायिक भवन, सार्वजनिक, ऐलानी, पर्ती जग्गाको लगत राख्ने तथा संरक्षण गर्ने, खुला क्षेत्र, चोक, घाट, पाटी, पौवा, सत्तल, धर्मशाला, मठ, मन्दिर, गुम्बा, मस्जिद, देवस्थल, मदरसा, पर्ति जग्गा, डाँडापाखा, चरनक्षेत्र, पानीको मूल, पोखरी, तलाउ, इनार, कुवा, धारा, ढुँगेधारा, गुठीघर, बाटो, सडक, पुल पुलेसा, कुलो नहर, पानी घट्टा, मिलआदिको तथ्यांक संकलन तथा अद्यावधिक गरी लगत राख्ने, संरक्षण गर्ने र खण्डकृत तथ्यांक र सूचनासहतिको वडाको पाश्वचित्र तयार तथा अद्यावधिक गर्ने ।

 

ग( विकास कार्य

 

१। शिक्षाः बालउद्यानको व्यवस्था र व्यवस्थापन, अनौपचारिक शिक्षा कार्यक्रम तथा प्रारम्भिक बाल विकास केन्द्र संचालन तथा व्यवस्थापन गर्ने, पुस्तकालय, वाचनालय, सामुदायिक सिकाई केन्द्र, बाल क्लब तथा बाल सञ्जालको संचालन तथा व्यवस्थापन गर्ने ।

२। स्वास्थ्यः वडा तहको स्वास्थ्य केन्द्ररउपकेन्द्रको व्यवस्थापन गर्ने, बालबालिकाहरुलाई बि।सि।जि, पोलियो, भिटामिन ‘ए’ को व्यवस्था गर्ने, पोषण कार्यक्रम संचालन गर्ने, वडा तहमा स्वास्थ्य जनचेतना विकास, स्वास्थ्य सूचना कार्यक्रम संचालन गर्ने, शहरी तथा ग्रामीण स्वास्थ्य क्लिनिक संचालन गर्ने गराउने, सार्वजनिक शौचालय तथा स्नान गृहको निर्माण तथा व्यवस्थापन गर्ने गराउने ।

३। खानेपानी, सरसफाई तथा फोहोरमैला व्यवस्थापनः वडास्तरीय सामुदायिक धाराको प्रबन्ध, कुवा, इनार, पोखरीको निर्माण, संरक्षण, गुणस्तर नियमन गरी गाउँपालिका वा नगरपालिकालाई जानकारी गराइ सहयोग गर्ने गराउने, घरबाट निकास हुने फोहरमैलाको संकलन र व्यवस्थापन, चोक तथा गल्लीहरुको सरसफाई, ढल निकास, मरेका जनवार व्यवस्थापन, सतही पानीको निकास गर्ने, पानीको स्रोत अर्थात मूलको संरक्षण ९वृक्षारोपण, तटबन्ध, नदी नियन्त्रण० गर्ने गराउने, फोहरमैला गर्नेलाई सम्बन्धित ऐन अनुसार जरिवाना गर्ने ।

४। कृषि विकासः कृषि तथा फलपूmल नर्सरीको स्थापना तथा समन्वय र प्रवद्र्धन गर्ने, वडास्तरीय अगुवा कृषक तालिम अभिमुखीकरण गर्ने, कृषि मलको माग संकलन गर्ने, कृषिमा लाग्ने रोगहरुको विवरण तयार गरी गाउँपालिका र नगरपालिकामा प्रस्तुत गर्ने ।

५। पशुपंछी विकास तथा व्यवस्थापनः पशुपंछी विकास, छाडा चौपायाँ व्यवस्थापन, वडाभित्रको चरन क्षेत्र संरक्षण तथा व्यवस्थापन गर्ने ।

६। सांस्कृतिक प्रबर्धनः स्थानीय समुदायक चाडपर्व, भाषा संस्कृतिको विकासको लागि कला, नाटक, जनचेतनामूलक तथा सांस्कृतिक कार्यक्रमहरुको आयोजना गर्ने गराउने, स्थानीय मौलिकता झल्किने सांस्कृृतिक रीतिरिवाजलाई संरक्षण तथा प्रबर्धन गर्ने ।

७। खेलकुदः वडाभित्र खेलकुद पूर्वाधारको विकास गर्ने, अन्तर विद्यालय तथा बाल क्लबहरु मार्फत खेलकुद कार्यक्रम संचालन गर्ने गराउने ।

८। यातायातः वडा क्षेत्रभित्रको बाटोघाटो चालू अवस्थामा राख्ने तथा राख्न सहयोग गर्ने, वडाभित्रका सडक अधिकार क्षेत्रमा अवरोध र अतिक्रमण गर्न नदिने, बसपार्कको सरसफाई गर्ने, बाटोघाटोको बाढी, पहिरो पन्छाउने ।

९। उद्योगः घरेलु उद्योगको लगत संकलन, सम्भाव्यता पहिचान गर्ने, वडाभित्र घरेलु उद्योगको प्रवद्र्धन गर्ने ।

१०। व्यक्तिगत घटना दर्ताः प्रचलित कानुन बमोजिम व्यक्तिगत घटना दर्ता, अद्यावधिक तथा सोको अभिलेख संरक्षण गर्ने र गाउँपालिका वा नगरपालिकामा प्रतिवेदन गर्ने, जनचेतना कार्यक्रम संचालन गर्ने ।

११। सामाजिक सुरक्षास् सामाजिक सुरक्षा भत्ता वितरण गर्ने, अभिलेख अद्यावधिक गर्ने, बालपोषण तथा बाल संरक्षण सम्बन्धी काम गर्ने ।

१२। सामाजिक तथा आर्थिक सशक्तीकरणः वडालाई बालमैत्री बनाउने, वडाभित्र आर्थिक तथा सामाजिक रुपमा पछि परेका महिला, बालबालिका, दलित, अपाङ्गता भएका व्यक्ति, जेष्ठ नागरिक, अल्पखंख्यक, सीमान्तकृत समुदायको अभिलेख राखी सामाजिक तथा आर्थिक उत्थान सम्बन्धी काम गर्ने, विभिन्न समुदायका बीचमा सामाजिक सदभाव र सौहार्दता कायम गर्ने, बालविवाह, महिला विरुद्धको हिंसा, छुवाछुत, दहेज तथा दाइजो, हलिया प्रथा, छाउपडी, कमलरी प्रथा, बालश्रम, मानव बेचविखन, निरक्षरता आदि जस्ता सामाजिक कुरिती र अन्धविश्वासको अन्त्य गर्ने गराउने ।

१३। कर सम्बन्धी कार्यहरुः गाउँपालिका वा नगरपालिकाका वडाले प्रचलित कानुनको अधीनमा रही मालपोत तथा भूमि कर, व्यवसाय कर, वहाल कर, विज्ञापन कर, सशुल्क पार्किङ्ग, नयाँ व्यवसाय दर्ता, सिफारिश दस्तुर, सवारी साधन कर, मनोरञ्जन करको लेखाजोखा र संकलन गर्ने तथा सम्बन्धित गाउँपालिका वा नगरपालिकामा प्रतिवेदन गर्ने, बुझाउने ।

१४। असहाय, असक्त, वेवारिश व्यक्तिको सहायता र संरक्षणः वडाभित्रका असक्त बिरामी भएको बेवारिस वा असहाय व्यक्तिलाई नजिकको अस्पाताल वा स्वास्थ्य केन्दमा पुर्याइ औषधोपचार गराउने, वडामा कुनै असहाय वा वेवारिस व्यक्तिको मृत्यु भएमा निजको दाह संस्कारको व्यवस्था मिलाउने, सडक बालबालिकाको उद्धार र पुनस्र्थापना गर्ने गराउने ।

१५। वन तथा वातावरणः वडाभित्रको सामुदायिक वन, वनजन्य सम्पदा र जैविक विविधताको संरक्षण र प्रवद्धर्न गर्ने । वडा, टोल, वस्तीस्तरमा हरियाली क्षेत्र विस्तार गर्ने गराउने, वडालाई वातावरणमैत्री बनाउने ।

१६। प्रबर्द्धनात्मक  कार्यक्रम गर्ने गराउनेः प्राङ्गरिक कृषि, सुरक्षित मातृत्व, विद्यार्थी भर्ना, पूर्ण खोप, खुल्ला दिशामुक्त रपूर्ण सरसफाई, वातावरणमैत्री तथा बालमैत्री शासनजस्ता प्रबर्द्धनात्मक  कार्यहरु गर्ने गराउने ।

 

घ( नियमन कार्य

 

१। वडाभित्र संचालित विकास योजना, आयोजना तथा संलग्न उपभोक्ता समितिहरुका कार्यको नियमन गर्ने ।

२। घर निर्माण तथा गुणस्तर कार्य भवन संहिता तथा मापढण्ड अनुसार भए नभएको अनुगमन गर्ने, सिकर्मी, डकर्मीलाई भूकम्प प्रतिरोधी भवन निर्माण सम्बन्धी तालिम दिने ।

३। खाद्यान्न, माछा, मासु, तरकारी, फपूmल, पेय पदार्थ तथा उपभोग्य सामाग्रीको गुणस्तर र मूल्यसूची अनुगमन गरी उपभोक्ता हित संरक्षण गर्ने ।

४। वडाभित्रका उद्योग धन्दा र व्यवसायको प्रवद्र्धन गरी लगत राख्ने ।

५। हाट बजारको व्यवस्थापन गर्ने गराउने ।

६। विद्युत चुहावट तथा चोरी नियन्त्रण गर्ने ।

 

ङ( सिफारिश वा प्रमाणित गर्नेः वडाले देहाय वमोविजमका विषयमा सिफारिश वा प्रमाणित गर्ने

 

१। नाता प्रमाणित

२। नागरिकताको सिफारिश र नागरिकताको प्रतिलिपि लिनका लागि सिफारिश गर्ने ।

३। बहाल करको लेखाजोखा सिफारिश गर्ने ।

४। कोठा खोल्न रोहबरमा बस्ने ।

५। मोही लगत कट्टा सिफारिश गर्ने ।

६। घर जग्गा करको लेखाजोखा सिफारिश गर्ने ।

७। जन्म मिति प्रमाणित गर्ने ।

८। व्यापार व्यवसाय बन्द भएको वा संचालन नभएको वा ब्यापार व्यवसाय हुँदै नभएको सिफारिश गर्ने ।

९। मिलापत्र कागज गराउने निवेदन दर्ता सिफारिश गर्ने ।

१०। विवाह प्रमाणित, अविवाहित प्रमाणित गर्ने ।

११। निःशुल्क वा सशुल्क स्वास्थ्य उपचार सिफारिश गर्ने ।

१२। आफ्नो अधिकारक्षेत्रका विषयमा अंग्रेजी भाषामा सिफारिश तथा प्रमाणित गर्ने ।

१३। घर पाताल प्रमाणित गर्ने ।

१४। व्यक्तिगत विवरण प्रमाणित गर्ने ।

१५। पुर्जामा घरकायम गर्ने सिफारिश गर्ने ।

१६। फरक, फरक नाम, थर, जन्म मिति सिफारिश र प्रमाणित÷दुवै नाम गरेको व्यक्ति एकै हो भन्ने सिफारिश गर्ने ।

१७। नाम, थर, जन्म मिति संसोधनको सिफारिश गर्ने ।

१८। जग्गा धनीपुर्जा हराएको सिफारिश गर्ने ।

१९। कागज र मन्जुरीनमा प्रमाणित गर्ने ।

२०। कित्ताकाट सिफारिश गर्ने ।

२१। संरक्षक प्रमाणित तथा संस्थागत र व्यक्तिगत संरक्षक सिफारिश गर्ने ।

२२। जीवितसँगको नाता प्रमाणित गर्ने ।

२३। हकवाला वा हकदार प्रमाणित गर्ने ।

२४। नामसारी सिफारिश गर्ने ।

२५। जग्गाको हक सम्बन्धी सिफारिश ९सार्वजनिक, ऐलानी तथा पर्ति जग्गा बाहेक० गर्ने ।

२६। मृतकसँगको नाता प्रमाणित, सर्जमिन, सिफारिश गर्ने ।

२७। उद्योग ठाउँसारी सिफारिश गर्ने ।

२८। जीवित रहेको सिफारिश गर्ने ।

२९। पूर्व प्राथमिक विद्यालय खोल्ने सिफारिश गर्ने ।

३०। जग्गा मूल्यांकन सिफारिश प्रमाणित गर्ने ।

३१। विद्यालयको कक्षा बृद्धि सिफारिश गर्ने ।

३२। पालन पोषण सिफारिश गर्ने ।

३३। वैवाहिक अंगिकृत नागरिकता सिफारिश गर्ने ।

३४। आर्थिक अवस्था कमजोर वा विपन्नता प्रमाणित–आर्थिक अवस्था बलियो वा सम्पन्नता प्रमाणित गर्ने ।

३५। विद्यालय ठाउँसारी सिफारिश गर्ने ।

३६। धारा तथा विद्युत जडान सिफारिश गर्ने ।

३७। प्रचलित कानुन अनुसार प्रत्यायोजित अधिकार बमोजिमको अन्य सिफारिश वा प्रमाणित गर्ने ।

गाउँपालिका वा नगरपालिकाले तोकिदिएको अन्य कार्य गर्ने ।

 

 

« April 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

                                                                                                                         yatradaily Pvt.Ltd        www.yatradaily.com,

                                                                                                      Birgunj, Ranighat 14  , This email address is being protected from spambots. You need JavaScript enabled to view it.   ,  This email address is being protected from spambots. You need JavaScript enabled to view it.

This website has been visited hit counter times from October 19, 2012