You are here: Homeअन्तर्राष्ट्रियअन्तर्राष्ट्रियवीरगञ्ज नगरमा भइरहेको नाला निर्माण बारे छलफल

वीरगञ्ज नगरमा भइरहेको नाला निर्माण बारे छलफल

Written by  Published in अन्तर्राष्ट्रिय Monday, 24 April 2017 15:46
Rate this item
(0 votes)

वीरगञ्ज,  बैशाख वीरगञ्ज नगरमा भइरहेको नाला निर्माण कार्यलाई व्यवस्थित तुल्याउने सम्बन्धमा जिल्ला प्रशासन कार्यालय, पर्सा, वीरगञ्ज उद्योग वाणिज्य सङ्घ, शहरी विकास परियोजना, वीरगञ्ज उपमहानगरपालिका कार्यालयका प्रमुखहरुबीच आज पर्साका प्रमुख जिल्ला अधिकारीको कार्यकक्षमा छलफल सम्पन्न भयो । 

कार्यक्रममा प्रजिअ केशवराज घिमिरेले वर्षायाम नजिकिँदै गएकोले बाटोमा पानी जम्ने र सोबाट अझ अप्ठ्याराहरु थपिने भएकोले नाला निर्माण कार्य यथाशीघ्र पूरा गर्न परियोजना प्रमुखलाई निर्देशन दिनुभयो । 

यसैगरी वीरगञ्ज उद्योग वाणिज्य सङ्घका अध्यक्ष ओमप्रकाश शर्माले वीरगञ्ज नगरमा भइरहेको नाला निर्माण कार्य अत्यन्त सुस्त गतिमा अघि बढिरहेकोले सो निर्माण कार्यमा तीव्रता ल्याउन सम्बन्धित निकायलाई ध्यानाकर्षण गर्नुभयो । नाला निर्माणका लागि बाटो खन्ने काम पूरा भई निर्माण कार्य भइरहेतापनि अत्यन्त सुस्त गतिमा भइरहेकोले समयमैं निर्माण हुन नसक्दा बाटोमा हिड्ने बटुवा तथा सवारी चालकले समस्या भोग्नु परिरहेको साथै बाटोको अवस्था खराब भएको कारणले दुर्घटना पनि निम्त्याई रहेकोले वर्षायाम शुरु हुनु अगावै निर्माण कार्य सम्पन्न गर्नुपर्नेमा जोड दिनुभएको थियो । 

सोही अवसरमा वीउमनपाका कार्यकारी अधिकृत पिताम्बर अधिकारीले नाला निर्माण कार्यलाई आपूmले पनि निरन्तर अनुगमन गरिरहेको कुरा राख्नुभएको थियो । 

उक्त निर्माण परियोजनाका प्रमुखले निर्माण कार्यमा केही कारणबस ढिलाई भएतापनि अब सो कार्यमा तीव्रता ल्याइने र एक महिनाभित्रमा कार्य सम्पन्न गर्ने प्रतिबद्धता जनाउनुभयो । 

कार्यक्रममा नेपाल पत्रकार महासङ्घ, पर्साका अध्यक्ष श्याम बञ्जारा, वीउवासङ्घका बरिष्ठ उपाध्यक्ष गोपाल केडिया, सचिव मनोज दास, ट्रान्सपोर्ट व्यवसायी राजेन्द्र गुप्ता र ग्रीन सिटी वीरगञ्जका सदस्यहरुको उपस्थिति रहेको थियो ।

Read 954 times Last modified on Wednesday, 03 May 2017 14:17

Leave a comment

 

 

« May 2017 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

                                                                                                     yatradaily Pvt.Ltd  -  www.yatradaily.com,

                                                                                              Birgunj, Ranighat - 14 , NEPAL,+977-9855020701

                                                                                                                            Chairperson

                                                                                                                              Ram Sarraf

                                                                                                      This email address is being protected from spambots. You need JavaScript enabled to view it.   ,  This email address is being protected from spambots. You need JavaScript enabled to view it.

        This website has been visited hit counter times from October 19, 2012