You are here: Home

सरकारमा नगई काग्रेसलाई समर्थन गछौ

Written by  Published in अन्तरवार्ता Sunday, 29 December 2013 11:11
Rate this item
(0 votes)

एकीकृत नेकपा माओवादीका प्रभावशाली यूवा नेता वर्षामान पुन अनन्तले पार्टी सरकारमा भन्दा पनि संविधान निर्माणमा केन्द्रीत हुने भएकोले काग्रेस नेतृत्वको सरकारलाई बाहिरबाटै समर्थन गर्ने बताउनु हुन्छ । उहाँसँग  गरेको कुराकानी

४ बुँदे सहमतिमा त एमाओवादी हार्यो नि ?

यो कसैको हार र जितको कुरा होईन । जसरी एमाओवादीको हारको रुपमा ब्याख्या गरिँदैछ । त्यसले सहमतिको राजनीतिमा नकारात्मक प्रभाव पार्न सक्छ । ४ बुँदे सहमतिले दलहरुवीच संविधानसभाको निर्वाचन पछि उत्पन्न असमझदारीलाई न्यारोडाउन गरेको छ । यो कसैको जित या हार भन्दा पनि यसले लोकतान्त्रिक प्रक्रिया र लोकतन्त्र प्रति विश्वास बढाउने काम गरेकोले यसमा सबैको जित भएको छ ।

त्यसो भए सहमतिबाट एमाओवादीले के पायो त ?

एमाओवादीले के पायो भन्ने कुरा होईन । संविधानसभा नेपालको सन्दर्भमा अहिलेसम्म भएका आन्दोलन र द्धन्दको ब्यवस्थापनको माध्यम हो । त्यसले यसमा विश्वास बढाउनु आवश्यक थियो ।४ बुँदे सहमतिले दलहरुवीचको आशंका हटाएर विश्वासका साथ अघि बढ्ने बातावरण बनाएको छ । जहाँसम्म उपलब्धिको कुरा छ १ वर्ष भित्र संविधान बनाउने पुन प्रतिबद्धता आएको छ, मुलुक अब संघीय लोकतान्त्रिक गणतन्त्र र प्राप्त उपलब्धिबाट पुरानो अवस्थामा फर्किदैन भन्ने ग्यारेन्टी भएको छ । कसैलाई दण्डित गर्ने भन्दा पनि मुलुकमा द्धन्दपछि मेलमिलाप हुने गरी मेलमिलाप आयोग गठनको प्रतिबद्धता ब्यक्त गरिएको छ ।

अब तपाईहरु सभासद छानेर संविधानसभामा जानु हुन्छ ?

हो, यो सहमतिले संविधानसभामा हाम्रो प्रवेशको बाटो खोलेको छ । अब हामि सभासदको नाम छान्नमा लाग्छौ । निर्वाचन आयोगले दिएको समयसीमा भन्दा पहिला नै नामावली बुझाउँछौ ।

सभासद चयनमा पार्टीभित्र चर्को विवाद छरे नि ?

यो बाहिर हल्ला गरिएको कुरा हो । यसको कुनै तथ्यगत आधार छैन । बाहिर त प्रचण्डको खल्तिबाट नाम आउँदैछ अरे भन्ने पनि हल्ला छ । तर त्यस्तो हुँदैन । बुधवारबाट नै हामि सभासद चयन प्रक्रियामा प्रवेश गरिसकेका छौ । पहिला हामि चयनको मापदण्ड बनाउँछौ र त्यसलाई भेट्टाउनेको नाम सिफारिस हुन्छ । पार्टी भित्र कुनै विवाद छैन ।

सरकारमा त जानु हुन्छ होला नि ?

हामिले सरकारमा जाने विषयमा अहिलेसम्म कुनै औपचारिक निर्णय गरेका छैनौ । यस विषयमा हामिले छलफल समेत गरेका छैनौ । त्यसैले अहिले हाम्रो प्राथमिकता भनेको सरकार निर्माण भन्दा पनि संविधान निर्माण हो । हामि त्यसमै केन्द्रीत हुन्छौ । अहिले हामि सरकार बनाउने ढाल्ने फोहरी खेलमा लाग्दैनौ र सरकारमा जान पनि जाँदैनौ ।

त्यसो भए कुनै पनि दललाई सरकार निर्माणमा समर्थन गर्नु हुन्न ?

त्यसो होईन, हामि सरकारमा जाँदैनौ मात्रै भनेको हो । सरकारमा नगए पनि सबै भन्दा ठूलो दल बनेको नेपाली काग्रेसको नेतृत्वमा सरकार बने हामि उसलाई बाहिरै रहेर पनि निसर्त सर्मथन गरि दिन्छौ ।

नयाँ जनादेश आए पछि राष्ट्रपति र उपराष्ट्रपति पनि परिवर्तन हुनु पर्छ भन्ने माग उठिरहेको छ ?

हो, नयाँ जनादेश आए पछि राष्ट्रपति र उपराष्ट्रपतिको विषयमा प्रश्न उठनु स्वभाविक हो । नैतिक रुपमा पनि यो प्रश्न उठछ यसलाई सकेसम्म राजनीतिक सहमतिको आधारमा टुङग्याउनु पर्छ तर दलहरुले १ वर्षभित्र संविधान जारी गर्ने प्रतिबद्धता ब्यक्त गरेकोले संविधान बनाउन छाडेर राष्ट्रपति परिवर्तनको विवादमा अल्झिनु ठिक हुँदैन ।

अबको संविधानसभामा एमाओवादीको भूमिका कस्तो हुन्छ ?

हामि संविधान निर्माणमा रचनात्मक भूमिका निर्वाह गरेर सहमतिमा संविधान जारी गर्ने प्रयासमा लाग्छौ भने संसदमा सरकारको काम हेरेर समर्थन वा विरोध गर्ने नीति सहित अघि बढ्छौ ।

Read 368 times

Leave a comment

                                                                                                     yatradaily Pvt.Ltd  -  www.yatradaily.com,

                                                                                              Birgunj, Ranighat - 14 , NEPAL,+977-9855020701

                                                                                                                            Chairperson

                                                                                                                              Ram Sarraf

                                                                                                      This email address is being protected from spambots. You need JavaScript enabled to view it.   ,  This email address is being protected from spambots. You need JavaScript enabled to view it.

        This website has been visited hit counter times from October 19, 2012