You are here: Home

पुर्व वडा अध्यक्ष एंव राजपा नेता मनोज कुमार कलवार फोरम नेपालमा प्रवेश

Published in समाचार Monday, 15 May 2017 17:11
Rate this item
(1 Vote)

वीरगन्ज, १ जेठ  वीरगन्ज उपमहानगरपालिका वडा नम्बर १२ का पुर्व वडा अध्यक्ष एंव राष्ट्रिय जनता पार्टीका नेता मनोज कुमार कलवार संघीय समाजवादी फोरम नेपालमा प्रवेश गर्नु भएको छ ।तयसतै नेपाली कांग्रेस का क्रियाशील सदस्य कौशल कुमार बर्मा दिवाकर सुबेदी दिलमाया श्रेष्ठ र राधे देबी परियार समेत सयकडौ फोरम नेपालमा प्रबेश गरेका छन ।फोरम नेपाल पर्साले आयोजना गरेको कार्यक्रममा पुर्व वडा अध्यक्ष कलवार लगायत का नेतागन फोरम नेपालमा प्रवेश गर्नु भएको हो । कार्यक्रमका प्रमुख अतिथी एंव फोरम नेपाल पर्साका अध्यक्ष प्रदीप यादवले मधेसको मुद्धाका लागि फोरम नेपालले कसैसंग कुनै पनि सम्झौता नगर्ने बताउनु भयो । मधेसका मुद्धा संविधान संशोधन गरि सम्बोधन नभए सम्म मधेसमा कुनै पनि चुनाव हुन नदिने चेतावनी पनि उहाले दिनु भयो । पहाडका जिल्लाहरुमा भएका पहिलो चरणको स्थानीय निर्वाचनमा फोरम नेपालले भाग लिएको विषयलाइ लिएर केहि दलहरुले अनेक दुष्प्रचार गरेपनि मधेसी जनता भ्रममा नरहेको भन्दै उहाले पहाड र मधेसका मुद्धा अलग अलग रहेकाले नै पहाडको निर्वाचनमा पार्टीले भाग लिएपनि मधेसीको माग सम्बाधेन नभए सम्म मधेसमा निर्वाचन हुनै नदिने स्पष्ट पार्नु भयो । कार्यक्रमलाइ सम्बोधन गर्दै फोरम नेपालका नेता विजय सरावगीले मधेस र मधेसीको मुक्ती फोरम नेपालबाट मात्रै सम्भव रहेको बताउनु भयो । आफुलाइ मधेसीको मसीहा भनाउने केहि दलहरुको असली चरित्र मधेसी जनताले बुझीसकेको भन्दै उहाले मधेसका माग पुरा नभए सम्म फोरम नेपालले संघर्षको मैदान नछाड्ने दाबी गर्नु भयो । राम सर्राफ़ सन्चालन गरेको कार्यक्रममा समाजवादी युवा फोरम नेपालका केन्द्रिय सदस्य शुसील साह कानु् , युवा फोरमका जिल्ला कोषाध्यक्ष अस्लम कानु , बुद्धिजीवी फोरमका जिल्ल सदस्य शीवजी गुप्ता लगायतको उपस्थिती रहेको थियो ।

Read 1409 times

Leave a comment

                                                                                                     yatradaily Pvt.Ltd  -  www.yatradaily.com,

                                                                                              Birgunj, Ranighat - 14 , NEPAL,+977-9855020701

                                                                                                                            Chairperson

                                                                                                                              Ram Sarraf

                                                                                                      This email address is being protected from spambots. You need JavaScript enabled to view it.   ,  This email address is being protected from spambots. You need JavaScript enabled to view it.

        This website has been visited hit counter times from October 19, 2012