You are here: Home

रक्सौल नाकालाई व्यवस्थित बनाउन बैध र शर्माको भारतीय रेल्वे मन्त्री सुरेश प्रभुसँग भेटघाट

Written by  Published in अर्थ Monday, 20 February 2017 13:45
Rate this item
(0 votes)

वीरगन्ज  फागुन , दुई दिने नेपाल भ्रमणका क्रममा रहेका भारतीय रेल्वे मन्त्री सुरेश प्रभुसँग वीरगञ्ज उद्योग वाणिज्य सङ्घका अध्यक्ष ओमप्रकाश शर्मा र नेपाल भारत सहयोग मञ्चका अध्यक्ष अध्यक्ष तथा वीउवासङ्घका पूर्व अध्यक्ष अशोककुमार वैध सम्मिलित एक टोलीले आज एक समारोहबीच काठमाण्डौंमा भेटघाट गरेको छ । 

भेटघाटका क्रममा सङ्घका अध्यक्ष ओमप्रकाश शर्माले रक्सौल रेल्वे साइडिङ्ग, एकीकृत जाँचचौकीको व्यवस्थापन तथा रक्सौल–वीरगञ्ज नाकालाई व्यवस्थित बनाउन पूर्वधार विकासका लागि भारतीय रेल्वे मन्त्री सुरेश प्रभुको ध्यानाकर्षण गराउनुभयो । अध्यक्ष शर्माले रक्सौल रेल्वे क्रसिङ्गका कारण यात्रुहरु दिनहुँ घण्टौं जाममा बस्नुपर्ने र दुर्घटना हुने सम्भावना रहेकोले आकाशे पुलको आवश्यकता रहेको बताउनुहुँदै भारतीय रेल्वे साइडिङ्गमा व्यवस्थापनको कमीले आयातीत मालवस्तु नोक्सान हुने गरेको, रेल्वे साइडिङ्गमा २४औं घण्टा काम गर्ने वातावरण भएतापनि भारतीय तथा नेपाली भंसार राति ११ बजेदेखि बिहान ६ बजेसम्म बन्द रहने गरेकोले मालवस्तु लोड गराई समयमैं रेल्वे साइडिङ्ग खाली गराउन नसक्दा ठूलो रकम वारफेज र विलम्ब शुल्कको रुपमा तिर्नुपरेको र रक्सौल रेल्वे साइडिङ्गदेखि भंसारसम्मको बाटो एकदमै दयनीय अवस्थामा रहेकोले सो बाटो ढुवानीको लागि भाडाको ट्रक जान आनाकानी गर्ने र दुर्घटना हुने सम्भावना बढी रहेकोले सो बाटोको स्तरोन्नतिको लागि आग्रह गर्नुभयो । 

भारतीय रेल्वे मन्त्री सुरेश प्रभुले रक्सौल रेल्वे साइडिङ्गको व्यवस्थापन र रक्सौलको भौतिक पूर्वाधार विकासको लागि आपूm सकारात्मक रहेको बताउनुहुँदै वीउवासङ्घबाट प्रस्तुत समस्याहरुको समाधानको लागि आफ्नो स्तरबाट समाधान गर्न पहल गर्ने प्रतिबद्धता जनाउनुभयो । 

 

Read 2227 times Last modified on Wednesday, 22 February 2017 10:42

Leave a comment

                                                                                                                         yatradaily Pvt.Ltd        www.yatradaily.com,

                                                                                                      Birgunj, Ranighat 14  , This email address is being protected from spambots. You need JavaScript enabled to view it.   ,  This email address is being protected from spambots. You need JavaScript enabled to view it.

This website has been visited hit counter times from October 19, 2012