You are here: Home

समाजवादी फोरमद्धारा संयुक्त राष्ट्रसंघलाई पत्र, ‘राज्यले मधेशीलाई आतंकवादी जस्तो दमन गर्यो’

Written by  Published in राजनीति Wednesday, 09 September 2015 20:41
Rate this item
(1 Vote)

संघीय समाजवादी फोरम नेपालले सरकारले गम्भीर मानवअधिकार उल्लङंघन गरेको भन्दै राष्ट्रसंघीय महासचिव बान कि मुनलाई पत्र लेखेको छ ।

नेपालका लागि राष्ट्रसंघीय आवासीय संयोजक जेमी म्याकगोल्डरिकमार्फत् बान कि मुनलाई पठाइएको पत्रमा राज्य आतंक, सरकारले गरेको मानव अधिकारको उल्लङ्घनका कारणले नेपाल पुनः द्वन्दको संघारमा पुगेको उल्लेख गरिएको छ ।

जनआन्दोलनदेखि मधेश आन्दोलनसम्म आइपुग्दा विभिन्न समूहसँग सरकारले गरेको सम्झौता र उठेका एजेण्डलाई समेटेर संविधान जारी हुनु पर्नेमा सत्तारुढ नेपाली कांग्रेस, एमालेले एमाओवादीसँग मिलेर एकलौटी निर्णय गर्दै संघीयताको सीमाङ्कन जबरजस्ती लादेको र एकलौटी संविधान बनाउन खोजेको आरोप पत्रमा लगाइएको छ ।

त्यसकै कारण नेपालमा विगत ३ सातादेखि विभिन्न खाले आन्दोलन भइरहेको भन्दै मधेशी, मुस्लिम थारु लगायत विभिन्न उत्पीडित समुदायको आन्दोलनमा सरकारी सुरक्षाकर्मीले छाती र टाउकोमा ताकेर गोली हान्दै बर्वरतापूर्वक हत्या गरेर मानव अधिकारको गम्भीर उल्लङ्घन गरेको आरोप लगाइएको छ ।

सरकारका यी सबै गतिविधी नेपालको संविधान, विद्यमान कानून र अन्तर्राष्ट्रिय मानव अधिकारको सिद्धान्त विपरित भएको भन्दै पत्रमा सत्तारुढ दलका सभाषद् समेत यसको विपक्षमा रहेको उल्लेख गरिएको छ । सेना परिचालन तत्काल फिर्ता गर्नु पर्ने लगायतका माग अघि सारिएको छ ।

राष्ट्रसंघलाई पठाइएको पत्रमा फोरम नेपालको मागहरु :

(१) शान्तिपूर्ण प्रदर्शन गर्न दिन सेना र सशस्त्र प्रहरी परिचालन फिर्ता गर्नुपर्ने,

(२) मोर्चा समूहसहित विभिन्न समूहसँग यसअघि गरिएका सहमति र समझदारीहरु लागू गर्नुपर्ने,

(३) विभिन्न आन्दोलनको भावनालाई सम्मान गर्नुपर्ने, आन्दोलनका क्रममा मारिएकाहरुलाई सहिद घोषणा गरी परिवारलाई क्षतिपूर्ति दिनुपर्ने, र

(४) घाइतेलाई उपचार र क्षतिपूर्ति दिनुपर्ने, संसदको राज्य पुनर्संरचना समिति र उच्चस्तरीय राज्य पुनर्संरचना आयोगको प्रतिवेदनका आधारमा पहिले नै सहमति भइसकेका सिद्धान्तको आधारमा संघीय संरचना गठन गर्नुपर्ने,

Read 488 times

Leave a comment

                                                                                                     yatradaily Pvt.Ltd  -  www.yatradaily.com,

                                                                                              Birgunj, Ranighat - 14 , NEPAL,+977-9855020701

                                                                                                                            Chairperson

                                                                                                                              Ram Sarraf

                                                                                                      This email address is being protected from spambots. You need JavaScript enabled to view it.   ,  This email address is being protected from spambots. You need JavaScript enabled to view it.

        This website has been visited hit counter times from October 19, 2012