वीरगन्जका मेयर सरावगीले गराए किर्ते सहिछाप महासचिव राजेशमान सिंहले दिए प्रमाण

1839

वीरगन्ज, १३ भदौ । राष्ट्रिय जनता पार्टी नगरसमिति वीरगन्जको नामबाट मिति २०७६ भदौ ११ गते वीरगंजमा निकालिएको विरोध प्रर्दशनको ब्यानरमा वीरगंज महानगरपालिकाका नगरप्रमुख विजय कुमार सरावगीको तस्वीरलाई लामखुट्टेको शरीरमा जोडेर सार्वजनिक रुपमा नगरप्रमुखको व्यक्तिगत मानमर्दन र चरित्र हत्या गर्न खोजेको विषय प्रति वीरगंज महानगरपालिकाको गम्भिर ध्यानाकर्षण भएको भन्दै हिजो एक प्रेस बिज्ञप्ति निकालिएको छ ।

नगर प्रमुखको तस्वीरको स्वरुप बिगारी सार्वजनिक गर्नु गैरकानूनी, अराजनितीक र गैरसंवैधानिक प्रवृत्तिको घोेतक हो भन्ने ठहर महानगरका प्रवक्ता सन्तोष तिवारीले जारी गरेको बिज्ञप्तिमा उल्लेख गरिएको छ ।



यसैबीच राजपाका एक जना जिल्ला अध्यक्ष जगदीश पटेलले पनि एक बिज्ञप्ति जारी गरि हिजो पार्टीको झण्डा प्रयोग भएर निकालिएको ¥याली पार्टीको आधिकारीक नभएको स्पष्ट पारेका छन ।

यता राष्ट्रिय जनता पार्टी पर्सा नेपालको लेटरपैड प्रयोग गरी जगदिश पटेलको किर्ते हस्ताक्षर मेयर सरावगीले आफनो मेलबाट संचार माध्यमा पठाई गलत समाचार प्रवाह गरेकोमा राष्ट्रिय जनता पार्टी नेपाल महानगर कार्यसमितिको गम्भिर ध्यानाकर्षण भएको र मेयर सरावगीले किर्ते बनाएको राजपा नेपालको लेटर पैड पोस्ट गरेको राजपाका केन्द्रिेय महासचिव राजेशमान सिंहले वताएका छन ।

राष्ट्रिय जनता पार्टी महानगर कार्यसमिति वीरगन्जले आज पत्रकार सम्मेलन गरी पर्साका प्रमुख जिल्ला अधिकारी समक्ष राष्ट्रिय जनता पार्टी महानगर कार्यसमिति वीरगन्जले ज्ञापन पत्र बुझाउदै किर्ते प्रेस विज्ञप्ति निकालेको लाई कारवाही गर्न समेत माग गरेका छन ।

राजपाका केन्द्रिेय महासचिव राजेशमान सिंहले सो किर्ते प्रेस विज्ञप्तिमा नत राष्ट्रिय जनता पार्टी नेपालको छाप छ नत चलानी नम्बर नै छ र जगदीश पटेलको किर्ते सहिछाप रहेको राजपाका पर्सा जिल्ला संयोजक जगदिश पटेल पनि बिरगन्ज नरहेको साथै हिजोको कार्यक्रममा महानगर कार्यसमितिले गरेको कुरा सर्व्विधित नै रहेको महासचिव सिंहले बताएका छन ।