दुर्गा पुजाको अवसरमा रक्तदान, ५ महिला सहित ८७ जनाले गरे रक्तदान

134

वीरगंज २४ भाद्र दुर्गा पुजाको अवसरमा दुर्गा पुजा सेवा समिती रानीघाटले आठांै पटक खुल्ला रक्तदान कार्यक्रमको आयोजना गरेको छ । रानीघाट चोकमा आयोजित रक्तदान कार्यक्रममा ५ महिला सहित ८७ जनाले रक्तदान गरेका हुन । कार्यक्रमको दुर्गा पुजा सेवा समिती रानीघाटका सल्लाहकार संजिव थापाले दिप प्रजवलित गरि उद्घाटन गर्नु भएको थियो । उद्घाटन गर्दै थापाले रक्तदानको महत्वका बारेमा चर्चा गर्दै बर्षमा चार पटक रक्तदान गर्न सबैलाई आग्रह गर्नु भएको थियो । कार्यक्रममा राजु गुप्ता, संजिव थापा, सतिश सिंह, बिरेन्द्र साह, किरण गुप्ता, रामाशंकर सर्राफ, रंजित खड्गी, राकेश मानन्धर, रिता श्रीवास्तव, निलम देबी, निर्मा खनाल घिमिरे, मेघनाथ सोनार, सबिता चौधरी, बिकाश चौधरी, श्याम कुमार गुप्ता, उमेश पटेल, सनोज कुमार गुप्ता, रबिकान्त चौधरी, सुजित चन्द्र बर्मा, पंकज कुमार घिमिरे, बब्लु साह सर्राफ, चन्दन साह, गजेन्द्र साह, बिजय कुमार गुप्ता लगायतकाले रक्तदान गरेका हुन । दुर्गा पुजाको अवसरमा तथा नेपाल रक्तसंचार केन्द्र वीरगंजमा दिन प्रति दिन रगतको अभाव देखिएका कारण रगतको आपुर्तीलाई मध्यनजर गर्दै यस समितीले निरन्तरता दिंदै बर्षमा दुई पटक रक्तदान कार्यक्रमको आयोजना गर्ने गरेको समितीका सल्लाहकार सतिश सिंह राजपुतले बताउनुभयो । दुर्गा पुजा सेवा समितीका अध्यक्ष दिपक कुमार साहको अध्यक्षतामा सम्पन्न कार्यक्रममा समितीका सल्लाहकार राजु कलवार, रक्तसंचार केन्द्र बीरगंजका प्राबिधिक अधिकृत नितेश साह, रेडियो बिन्दासका संचालक आर.सि.यादवले कार्यक्रमको सफलताको कामना गर्नु भएको थियो । कार्यक्रममा स्वागत मन्तब्य स्थानिय मदन कलवारले दिनु भएको थियो भने कार्यक्रमको सहजीकरण पत्रकार प्रणय कुमारले गर्नु भएको थियो ।