रुदै राहत वितरण गरे – हरिनारायण रौनियार

3482

वीरगन्ज ३० साउन आज सिमिती समान बोकेर पर्साको बाढी पीडित केही गाउँमा पुगेका हरिनारायण रौनियार पुगेका थिए तर समान बाडन छाडेर उनु रुन थाले । राहत वितरण गरिरहँदा उनी एक्कासी रुदै भीडभन्दा टाढा गए । दुई दिनदेखि चुल्हो नबलेको गाउँमा सरकारी संयन्त्रको कुनै राहत सामग्री पुगेको छैन । बाढीको पानी ओरालो लागेपनि घरसँगै भान्सा, अन्न, भाँडाकुडा सबै हिलाम्य छ । पेसाले निर्माण ब्यवसायी रहेका रौनियारले त्यहाँ लगेको चिउरा, भुजा र चाउचाउ पाउन स्थानीय पीडित परिवारका वृद्धदेखि बालकसम्म लुछाचुडी गरेका थिए । करिब २० वर्षे एक युवकले रौनियारलाई भने, ‘मलाई बेस्सरी भोक लागेको छ ।’ उनलाई खानेकुरा दिन लगाएपछि रौनियार बाँड्ने ठाउँबाट निस्किएका थिए । ‘कस्तो विडम्बना छ, अलिकति अन्न दानाको लागि मानिसहरु यसरी तछाडमछाड गर्नुपर्ने रहरले हो र ?’ रसाएका आँखा लुकाउँदै उनले भने, ‘यो बाध्यता, यो परिस्थिति कसले बुझिदिने ।’


उनका अनुसार बाढीले धेरै धनजनको क्षति गरेको छ । पीडित ठाउँका मानिसहरुको धैर्य बगाएर लगेको छ भोक र आवश्यकताले । पर्साका पचासभन्दा बढी बाढी प्रभावित गाउँमा पानी थमिसकेर पनि राहत सामग्री पुग्न सकेको छैन । गाउँगाउँमा रहेका नेपाल प्रहरी र सशस्त्र प्रहरी बलले थोरै भए पनि राहत र उद्धारमा सघाएर स्थानीयको मनोबल थामेका छन् ।


‘बुढो भइसके यसरी बाढीले बिस्थापित कहिले पनि हुनु परेको थिएन, बुहारी, ३ जना नाती नातिना छन् । अहिले स्कुलमा शरण लिएका छौं,’ पकाहाकी ६० वर्षीया बचीदेवी सोनारिनले भनिन् । उनले घरका सबै नोक्सान भएको बताइन् । बाढीले गाउँ नै तहसनहस भएपछि स्थानीय सत्तरी परिवारका करिब तीन सय जनाले उक्त स्कुलनमा रात बिताएका थिए । आउने एक दुई दिनमा आफु अरु पनि राहत समाग्रीह लिएर पुण गाउमा आउने यात्रा डेलीलाई बाताए ।

Comments

comments