मुग्लिनमा पहिरो खस्यो, ४ प्रहरीको शव भेटियो, ट्रक खोलामा, भ्यान देखिएन

1913

वीरगन्ज ९ असार चितवनको नारायणगढ–मुग्लिन सडकखण्डको इच्छाकामना गाउँपालिका वडा नं।६ डेढकिलोमा गएराति खसेको पहिरोले प्रहरीको भ्यान खोलामा खस्दा ४ प्रहरीको मृत्यु भएको छ । घटनास्थलबाट इलाका प्रहरी कार्यालय मुग्लिनका प्रहरी सहायक निरीक्षक निश्चल तामाङ, प्रहरी जवान दीपक कुमार मास्के प्रहरी जवान सन्दीप कार्की र लीलबहादुर चेपाङ मास्केको शव भेटिएको जिल्ला प्रहरी कार्यालय चितवनका प्रहरी उपरीक्षक दीपक थापाले जानकारी दिनुभयो । पहिरोसंगै खोलामा खसेको प्रहरी भ्यान देखिएको छैन् ।

जसले गर्दा खोजी गर्न कठिनाई भएको प्रहरीले जनाएको छ । यस्तै प्रहरी भ्यानसंगै पहिरोले एक ट्रक पनि खोलामा खसेको छ । ट्रकको भने केही भाग मात्रै देखिएको छ । ट्रकका सहयोगी चालकलाई उद्धार गरिएको छ भने चालक सकुशल रहेको प्रहरीले जनाएको छ । गयराति १ बजेर ५ मिनेट जाँदा पहिरोले प्रहरीको ना १ झ १३९० नम्बरको भ्यान र ना ५ ख ७८२७ नम्बरको ट्रक नदीमा खसेको थियो ।