अपहरण तथा सार्वजनिक बन्धक झूटो उजुरीदीनेलाई पर्सा प्रहरीले कारबाई शुरु गरे

554




वीरगन्ज २६ जेठ अपहरण तथा सार्वजनिक बन्धक भूmटो मुद्दा गर्ने छिपहरमाई गाउँपालिका, तुल्सीबर्वा निवासी हरेन्द्र कुम्हाल पडितविरुद्ध प्रहरीले कारबाई प्रक्रिया अगाडि बढाएको छ ।
हरेन्द्रले आप्mनै ससुरा मुडली–५ निवासी शिवशम्भु पडित कुम्हाललगायत १० जनाविरुद्ध जिप्रका, पर्सामा मुद्दा दर्ता गराएका थिए । सो मुद्दाको आरोपित मुडली–५ का शिवशम्भु, शिवलाल साह तेलीलाई प्रहरीले पक्राउ गरी अनुसन्धान गरेपछि घटना सार्वजनिक भएको हो ।
२०७३ असोजमा उजुरी दिएका हरेन्द्रलाई प्रहरीले उजुरी दर्ता गर्न नमानेपछि २०७३/११/२९ गते उच्च अदालतबाट परमादेश जारी गरेपछि पर्सा प्रहरीले जाहेरी दर्ता गरेको थियो । सोही अनुसार प्रहरीले सोमवार दुईजनालाई पक्राउ गरेको प्रनाउ चक्रराज जोशीले बताए ।
घटना विवरण अनुसार हरेन्द्रकी पत्नी सविता देवी २०६७ सालमा छोरीसहित पोइल गएकी थिइन् । हरेन्द्रले छोरी बेपत्ता भएको भन्दै २०७३ मा मुद्दा दर्ता गराएका थिए । हरेन्द्रका ससुरा शिवशम्भु पडित पक्राउ परेपछि हिजो जिल्ला प्रहरी कार्यालयमा हरेन्द्रको पोइल गएकी पत्नी सवितासहित उनकी सात वर्षीया छोरी अपेक्ष्Fा उपस्थित भएपछि तथ्य सार्वजनिक भएको हो ।
प्रहरीले पक्राउ परेका दुवैजनालाई अपहरण तथा शरीर बन्धक मुद्दामा सात दिने म्याद थमाएको छ । हरेन्द्रकी पत्नी उपस्थित भएपछि हरेन्द्रले दिएको उजुरी भूmटो भएको र उनीविरुद्ध कानुनी प्रक्रिया अगाडि बढाएको प्रनाउ जोशीले बताए ।

Comments

comments